web counter
LEXO PA REKLAMA!

SHKARKO APP

App Store
Google Play

E fundit!

x

Statusi i Naftëtarit/ Përfitojnë 5 mijë persona

23 Nëntor 2016, 15:37, Aktualitet CNA

Ministri i Energjisë, Damian Gjiknuri, ministrja e Shtetit për Marrëdhëniet me Parlamentin, Ermonela Felaj dhe ministri i Mirëqënies Sociale, Blendi Klosi zhvilluan sot një takim me përfaqësues të sindikatës së naftëtarëve.

Ata bënë me dije se qeveria tashmë ka gati statusin e naftëtarit nga i cili do të përfitojnë rreth 5 mijë persona.

Nisma ka marrë formën përfundimtare si draft dhe pas miratimit në qeveri i kalon për diskutim dhe miratim Kuvendit të Shqipërisë. Ky projektligj përcakton pozitën juridike, ekonomiko -financiare dhe shoqërore, kërkesat e përgjithshme të pranimit, të drejtat, detyrimet dhe kufizimet e punonjësve të Industrisë së Naftës dhe Gazit në Republikën e Shqipërisë, për arsye të karakterit të veçantë të punës dhe ndikimit në shëndet të kësaj pune, si dhe garancitë ligjore për zbatimin e tyre.

Ministri Gjiknuri ka theksuar se ky është një lajm i mirë për të gjithë qytetarët e Fierit, qytetarët e Vlorës, qytetarët e Beratit, të gjithë ata njerëz që me vite kanë kontribuar në sektorin e naftës.

Ndërsa, Ministri i Mirëqenies Sociale Blendi Klosi deklaroi se e vlerëson faktin se tashmë po piqen kushtet që statusi i naftëtarit të bëhet realitet.

Po ashtu Ministrja e Shtetit për Marrëdhëniet me Parlamentin Ermonela Felaj tha se Statusi është përmbushja e një premtimi publik, por edhe elektoral që kjo qeveri u ka bërë naftëtarëve.





Lajmet e fundit nga