web counter
LEXO PA REKLAMA!

SHKARKO APP

App Store
Google Play

E fundit!

x

Gjosha vizitë në Hungari/ Szijjarto: Pro integrimit të Shqipërisë në BE

23 Nëntor 2016, 14:52, Aktualitet CNA

Kur kanë kaluar 2 javë nga marrja e rekomandimit nga ana e KE, Ministrja e Integrimit Europian, Klajda Gjosha ka vijuar me takimet e saj me homologë dhe zyrtarë të qeverive të vendeve të BE-së, për të siguruar mbështetjen për hapjen e negociatave për anëtarësimin e Shqipërisë.

Gjosha po zhvillon një vizitë zyrtare në Hungari e ftuar nga Ministri i Punëve të Jashtme dhe Tregtisë në Hungari, Peter Szijjarto.

Pas takimit, Ministrja Gjosha dhe Ministri Szijjarto mbajtën një konferencë të përbashkët për shtyp, ku Gjosha vlerësoi marrëdhëniet shumë të mira dhe bashkëpunimin mes dy vendeve.

Duke paraqitur momentin e rëndësishëm të Shqipërisë në rrugëtimin e saj europian dhe marrjen e një rekomandimi pozitiv për çeljen e negociatave nga Komisioni Europian, Ministrja Gjosha theksoi se mbështetja e vendeve mike si Hungaria, ka vlerë jashtëzakonisht të madhe.

?Shqipëria nuk mund të përmbushë e vetme, aspiratën e saj për të qenë anëtare e Bashkimit Europian me të drejta të plota, pa ndihmën e vendeve mike. Për ne dhe gjithë vendet e Ballkanit Perëndimor, procesi i integrimit është një rrugë pa kthim pas. Ky proces i shërben vendeve tona, por i shërben gjithashtu vetë Europës, e cila e bashkuar mund të kapërcejë sfidat e vështira që ka përpara?, tha Gjosha.

Ministri Szijjarto konfirmoi se Hungaria do të vijojë të mbështesë Shqipërinë me procesin e integrimit.

Ai  vlerësoi edhe progresin e bërë nga Shqipëria me reformat e ndërmarra vitet e fundit. /Citynews





Lajmet e fundit nga