web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Rama: Nga 1 Dhjetori s'do të lejohet të tregtohet më mish në rrugë

23 Nëntor 2016, 11:44, Aktualitet CNA

Në një takim me kryebashkiakët për tregjet e gjësë së gjallë, kryeministri Edi Rama u shpreh se situata është alarmante dhe se nga data 1 dhjetor të gjitha kafshët që shkojnë në treg të jenë të shoqëruara me certifikatë veterinare ose përndryshe të sekuestrohen.

Kreu i qeverisë u shpreh se do të marrë fund situata e therjes së kafshëve dhe e tregtimit të mishit në rrugë.

“Tregjet janë kërcënim për sigurinë e jetës së konsumatorit. Jemi shumë të shqetësuar për nivelin e shërbimit veterinar që ofrohet në bashki, është trashëgimi e rëndë për ju. Ne duam që kjo situatë të adresohet urgjent, nga data 1 dhjetor të gjitha kafshët që shkojnë në treg të jenë të shoqëruar me certifikatë veterinare ose të sekuestrohen. Për këtë do të keni mbështetjen e policisë së shtetit. Në 2017 do të matrilullohen të gjitha kafshët, edhe ato që theren, nuk do të ketë më shans që të lëviznin pa matrikulluar. Bashkëpunim me të gjithë pa dallime partiake. Nuk do të lejohet të tregtohet më mish në rrugë si në mesjetë“, deklaroi kreu i qeverisë. /Citynews





Lajmet e fundit nga