E fundit!

19:46 Aktualitet

Me thirrje e simbole kuqezi/ Protestuesit zhvendosen drejt Kryeministrisë

Mijëra qytetarë që janë mbledhur sot në qendër të kryeqyte...

Intervista ekskluzive/ Ilir Krosi: Shehu në krye të bashkisë nderon Dibrën

17 Gusht 2016, 10:38, Aktualitet CNA

Kandidatura e Partisë Demokratike për kreun e bashkisë Dibër, Sherefedin Shehu është një figurë e pastër dhe një personalitet i suksesshëm në politikë dhe në qeverisje, që nderon Dibrën dhe PD-në. Ky është ndikimi që ka dhënë ai në elektoratin e PD-së në Dibër dhe tek ish-kryebashkiaku i Dibrës, Ilir Krosi. Në një intervistë për Citynews, Ilir Krosi shpreh mbështetjen e tij për kandidaturën e përzgjedhur duke e vlerësuar si një surprizë shumë pozitive nga ana e kreut të PD-së Basha. Sipas Krosit ish-zv.ministri i Financave Sherefedin Shehu ka gjetur mbështetjen e gjerë të bazës së Partisë Demokratike për garën që pritet të zhvillohet për kreun e bashkisë së Dibrës. Ilir Krosi ish-kandidat për bashkinë e Dibrës në vitin 2015 ka humbur me rezultat shumë të ngushtë për shkak të konflikteve të brendshme brenda PD, të cilat duan të nxiten dhe sot nga media pranë qeverisë dhe instrumenta të mazhorancës. Krosi shpreh mbështetjen e tij publike për Sherefedin Shehut dhe shprehet i bindur në fitoren e tij.

Zoti Krosi si është pritur kandidatura e Sherefedin Shehut në Dibër?

Kandidatura e z. Sherefedin Shehu në Dibër është pritur shumë mirë, si nga baza e PD-së ashtu edhe nga qytetarët, intelektualët dhe grupet e interesit në Dibër. Ishte një surprizë shumë pozitive, shumë e bukur që z. Basha na bëri dhe për këtë ne e kemi falenderuar si z. Basha ashtu edhe z. Shehu që e pranoi kandidimin duke lënë mandatin e deputetit. Kjo kandidature nderon Dibrën, dhe Partinë Demokratike.

Cili do jetë angazhimi juaj në këtë fushatë dhe a do e mbështetni kandidaturën e zotit Shehu?

Unë si ish kryetar i bashkisë Peshkopi ashtu si gjithmonë kam qenë dhe do të jem nq krah të PD-së dhe në krah të deputetit dhe profesorit të nderuar, kryetarit të arshshëm të bashkisë Dibër z. Sherefedin Shehu. Dhe këtë e bëj jo vetëm si detyrim për PD-në dhe z. Shehu, por edhe si detyrim për Dibrën tonë të dashur se vetëm figura të tilla i kthejnë Dibrës dinjitetin e nëpërkëmbur nga rilindasit e sotëm të Dibrës, si dhe për të garantuar projekte zhvillimore dhe integruese për Dibrën.

Cilat janë problematikat me emergjente që ju si ish-kryebashkiak konstatoni në Dibër?

Problematikat më emergjente që ka aktualisht bashkia dhe rrethi Dibër janë: papunësia e lartë, ndërprerja e financimeve dhe diskriminimi për financime për projektet e infrastrukturës rrugore në rrugë nacionale, urbane dhe rurale, mungesa e mbështetjes për vaditjen, ndërprerja e subvencionimit të fermerëve dhe blegtorëve, ndërprerja financiare për rrugën e Arbrit, zgjidhja e problematikës së furnizimit me ujë të pijshëm dhe vaditjes në njësinë administrative Maqellarë, menaxhimi i integruar i mbetjeve urbane, mbështetja për turizmin malor etj. /Intervistoi Elvi FUNDO-Citynews.al