Basha: Rama s’ka para për qytetarët, por për lukse qeveritare

17 Gusht 2016, 09:57, Aktualitet CNA

Kryetari i Partisë Demokratike akuzon kryeministrin Edi Rama për shpërdorime të kota korruptive ndërsa i mungojnë paratë për ujësjellësa e ilacce. Basha thekson se kjo faturrë e korrupsionit rëndon direkt mbi qytetarët që nuk marrin shërbime.

?Edi Rama ka pranuar publikisht faturën e korrupsionit të tij, që rëndon drejtpërdrejt tek qytetarët. Rama thotë se nuk bëjmë dot ujësjellës e rrugë sepse nuk ka para.
Sepse 1 miliardë euro vidhen e shpërdorohen çdo vit ne tatime dogana tendera dhe koncesione hajdutërie. Janë para të shqiptarëve, të djersës së tyre, të taksave që paguajnë, por që plaçkiten nga qeveritarët e nuk kthehen në të mira për qytetarët.
S?ka para, thotë Rama, për ujësjellës e rrugë. Nuk ka para për ilaçe, për ndihmë ekonomike, për rritje pensionesh e rrogash. Nuk ka si të ketë, kjo është fatura e korrupsionit?, tha Basha.
Duke u ndalur në shifra konkrete Basha theksoi se Rama po i shërben rehatisë së vet qeveritare me faturra të majme. ?S?ka si të ketë lekë për qytetarët, thesi zbrazet për rehatinë e Ramës e hajdutëve të tij. Por ka 80 milionë dollarë për mobilim zyrash e blerje makinash. Ka 15 milionë dollarë për bileta avionësh. Ka 320 milionë euro për koncesionet hajdutërore të Ramës e Beqës në shëndetësi. Ka miliona për oligarkinë e Carapulëve, Papulëve, Ismailajve e Nushëve, për kulla, palma, makina luksi, dhe prape kulla që i ndajnë me Ramët, Gjiknurët e Ahmetajt me shokë. Ka para për udhëtime me charter, për syze 70 mije Euro e për hotelet më lluksoze të botës?, deklaroi Basha.
Duke e cilësuar si fundi i një qeverisje të korruptuar në palcë, në çdo degë të saj, siç thotë raporti i Departamentit Amerikan të Shtetit, Basha tha se Partia Demokratike është e vendosur t?i kthejë shqiptarëve qeverisjen që duan dhe meritojnë. ?Para, prona dhe dhe lluks sheikësh për Ramën me shokë, por për qytetarët s?ka ujë, s’ka asnjë investim të ri, s’ka asnjë vend të ri pune. Partia Demokratike do t?i kthejë këto para tek qytetarët: me ulje taksash, investime publike që ju shërbejnë qytetarëve e jo oligarkëve, me subvencione në bujqësi, me hapjen e vendeve të reja të punës. Shqipëria më mirë pa Edi Ramën?, përfundoi deklaratën e tij kreu i PD-së Basha./Citynews.al