web counter
LEXO PA REKLAMA!

SHKARKO APP

App Store
Google Play

E fundit!

x

Raport Sekret i shërbimeve inteligjente gjermano-italiane/Droga mbrohet me Policinë e Shtetit

17 Gusht 2016, 06:44, Aktualitet CNA

Shteti në këmbë në mbrojtje të plantacioneve të mbjella me drogë. Drejtues vendorë të policisë së shtetit dhe shefa komisariatesh rezultojnë se kanë bashkëpunuar me trafikantët për ruajtjen të paprekur të bimëve narkotike. Ky fakt zbardhet në raportin e detajuar të shërbimeve sekrete italiane dhe gjermane ku sipas tyre shqetësim të madh përbën bashkëpunimi i drejtuesve të policive vendore me drejtues të narkotrafikut në zonat ku ata operojnë, bën të ditur e përditshmja SOT. Në raport thuhet se shumica e parcelave të mbjella me kanabis sativa ruhet nga vetë punonjësit e policisë dhe këta të fundit marrin pagesë për këtë në varësi të sasisë së mbjellë. ?Shefa komisariatesh por edhe drejtorë janë evidentuar nga pala italiane, por edhe partnerë të tjerë favorizues dhe bashkëpunues me kultivuesit, ndërsa pagesa që ata marrin janë në varësi të sipërfaqeve të mbjella. Për shumicën  e rasteve kryhen me dijeni dhe nën mbrojtjen e punonjësve të policisë në terren dhe drejtuesve lokalë të policisë vendore, kundrejt shumave  të parave dhe sasisë së bimëve të mbjella?, thuhet në raport. Raporti u është përcjellë për dijeni dhe drejtuesve më të lartë në vend: Presidentit të Republikës, Bujar Nishani, Kryeministrit Edi Rama, Kryetarit të Kuvendit të Shqipërisë Ilir Meta, Kreut të Shërbimit Informativ Shtetërore Visho Ajazi  dhe kryeprokurorit Adriatik Llalla. /Citynews.al





Lajmet e fundit nga