Të ardhurat, mungojnë 2.2 miliardë lekë vetëm në Korrik/Rritje barrës fiskale për fasonët dhe luftë bizneseve jo-rilindase

16 Gusht 2016, 19:22, Aktualitet CNA

Rreth 2.2 miliardë lekë i mungojnë arkës së shtetit si rezultat i mosrealizimit të mbledhjes së të ardhurave për muajin Korrik. Përmes një komenti Denion Meidani paralajmëron se masat janë marrë që zgjedha në qafat e taksapaguesve të rëndohet edhe më, përshembull një super luftë pa pikë mëshire këtë muaj mbi ato biznese jo rilindase që operojne në fushën e turizmit plus pa harruar që po këtë muaj pa rritur planin e doganave po ju rritet barra fiskale fasoneve.

Komenti i plotë i Denion Meidanit

Treguesit fiskale për muajin korrik sërisht tregojnë mosrealizim të mbledhjes së të ardhurave. Këtë herë tregojnë as më shumë as më pak se 2.2 miliardë lekë të munguara në arkën e shtetit, thjeshtë 2.2 miliardë më pak se plani i parashikuar e i reduktuar rilindas edhe se duhet të themi që në fakt pritej e kundërta nga ministri i Standart & Poors…

Dua t? ju “qetësoj” duke ju siguruar se masat janë marrë që zgjedha në qafat e taksapaguesve të rëndohet edhe më, përshembull një super luftë pa pikë mëshire këtë muaj mbi ato biznese jo rilindase që operojne në fushën e turizmit plus pa harruar që po këtë muaj pa rritur planin e doganave po ju rritet barra fiskale fasoneve, në fillim atyre në sektorin e këpucëve dhe lëkurës por jam optimist se dora e hekurt rilindase do i mbulojë pa dallim të gjithë sektorët shumë shpejt. HEC-eve private pavarsisht kontratave, planeve të biznesit, kredive marramendëse e investimeve serioze që kanë bërë po i rrënojnë duke i detyruar të nënshkruajnë kontrata të reja që t’jua marrin bahdiava energjinë prodhuar e mundësisht ti falimentojnë së bashku me bankat që i kanë financuar këto biznese në bazë të planeve të ngritura mbi përllogaritjet e shifrave dhe kushteve të vendosura e zbardhura në kontratat tashmë të zgjidhura njëanshmerisht nga qeveria.

Por më e rëndësishmja prisni sa t?ua japi tatimet, doganat e shumë më shumë aleatëve më të rinj të burses së kësaj vere kulisash e pastaj do te shihni cudira ju “që nuk keni parë gjë akoma”…

Por në fakt ju “diletantët e injorantët” që nuk merrni vesh e “kot mes koti” merreni me karavanin e partisë, ekonominë e qeverisë, stadiumin e rilindjes, kullat e sheshet e bashkisë, afresket historike, meron dhe reformat do e shihni boomin ekonomik në shtator kur të korret hashashi!

/citynews/