web counter
LEXO PA REKLAMA!

SHKARKO APP

App Store
Google Play

Denoncimi/Si u rikthyhen në detyrë 3 doganierët e arrestuar për kontrabandë dhe shpërdorim detyre?

16 Gusht 2016, 16:44, Aktualitet CNA

 

Partia Demokratike, dega Berat, përmes një deklarate denooncoi korrupsionin që ka zaptuar hallkat e institucioneve shtetërore. Referuar edhe kontrollit të kryer nga KLSH, dega e PD në Berat thekson se dëmi i evidentuar në doganën e këtij qyteti, për shkak të abuzimit me detyrën dhe kontrabandën arrin në 1 milionë dollarë.

?Pasi materialet i kaluan prokurorisë së rrethit në datën 26 qershor 2016 me vendim të Gjykatës së Rrethit Gjyqësor Berat, u vendos masa e dënimit arrest me burg për ish-drejtorin e doganes Berat,  Elvis Plaku, për doganieret Alkion Hysi dhe Dhame Xhambani si dhe u shpall në kërkim Arbel Ulaj , i cili u arrestua më datën 22 korrik 2016 .

Të gjithë këta u arrestuan nën akuzën shpërdorim detyre, korrupsion dhe kontrabandë në bashkëpunim. Kjo ishte ndër rrastet e rralla që qeveria Rama e trumbetonte me të madhe si sukses të luftës ndaj korrupsionit dhe kontrabandës.

Por çudia nuk do të zgjaste shumë. Menjehere pas vendimit të Gjykates së Apelit për tu gjykuar në gjendje të lirë, detyrim paraqitje, vjen edhe urdhëri nga Drejtoria e Doganave për rrikthimin e të tre doganiereve në vendet e tyre të punës.

Ky veprim tregon qartë kapjen e shtetit dhe përfshirjen në korrupsion të të gjitha hallkave drejtuese të insitucioneve.

Është e qartë se kthimi në vendet e punës ,është bërë për tu dhënë mundësinë doganiereve që të fshehin dhe manipulojnë provat materiale të cilat mund të sjellin përfshirjen  nën  hetim edhe të eproreve të tyre?, thuhet në deklaratën e degës së PD-së në Berat. /citynews/





Lajmet e fundit nga