web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në Peshkopi/Ja si bllokoi Edi Rama regjistrimin në KQZ të 6 aleatëve të PD

16 Gusht 2016, 16:35, Aktualitet CNA

Partia Demokratike akuzon Kryeministrin Edi Rama se ka ndaluar përmes KQZ-së regjistrimin e 6 subjekteve në koalicionin e drejtuar nga kjo parti për zgjedhjet e 11 Shtatorit për postin e Kryebashkiakut të Peshkopisë. PD thekson se Edi Rama ka mbetur vetëm me 3 aleatë, ndërkohë që koalicioni i opozitës do të shkonte me 18 të tillë.

Deklarata e plotë e PD

Nga paniku i ndëshkimit me votë në zgjedhjet e 11 shtatorit në Dibër, Edi Rama ka urdhëruar bllokimin e regjistrimit nga KQZ, të 6 partive aleate të Partisë Demokratike.

I braktisur, i mbetur vetëm me 3 aleatë, Edi Rama bën atë çfarë ka në dorë aktualisht, ndalon përmes KQZ-së regjistrimin e 6 subjekteve, çka do ta çonte në 18 numrin e partive të koalicionit opozitar.

Megjithëse preteksti për mosregjistrimin e subjekteve ra, pasi 6 partitë e përmbushën detyrimin, sërish KQZ me urdhër të Ramës i la jashtë aleatët e Partisë Demokratike. Ky vendim dëshmon ankthin e Ramës nga bashkimi i madh opozitar e popullor.

Urdhëri i Ramës do të apelohet në Kolegj Zgjedhor. Asgjë nuk e ndal fitoren e padiskutueshme të koalicionit të madh opozitar përballë klanit të ngushtë të korruptuar, kriminal e pervers të Edi Ramës. /citynews/

 





Lajmet e fundit nga