E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rilindja Urbane, Rama u përgjigjet kritikëve/Në 23 vjet i kthyhem qytetet në fshtra të frikshme

16 Gusht 2016, 14:40, Aktualitet CNA

Kryeministri Edi Rama i është përgjigjur përmes një komenti në rrjetet sociale të gjithë kritikuesve të projekteve që Kreu i Qeverisë i quan si Rilindje Urbane. Prej kohësh Rama publikon foto mbi këto projekte, vecanërisht për qendrat e bashkive, madje në ndonjë rast, si ai i Vlorës, Kryeministri publikon fotot sesi do të jetë qendra e qytetit, ndërkohë që tenderi ende nuk është zhvilluar.

Rama në argumentet e tij shprehet se në 23 vite qytetet u kthyhen në fshtra të frikshëm, ndërsa paralajmëron se pas përfundimit të projekteve në qendrat e Bashkive, ato do të shtrihen në cdo zonë urbane.

Ndërkohë komentuesit në komentet e tyre shprehen se janë pa punë, pa të ardhura dhe këto projekte nuk cilësohen si emergjente përpara problemeve që ato kanë në jetën e përditshme.

Komenti i plotë i Kryeministrit Edi Rama

Komentuesve që thonë pse qendrat e qyteteve!

?dëshiroj t?u them se 23 vjet u fillua kuturu çdo mandat, kap këtu një rrugë, riparo aty një copë ujësjellësi, hap andej një kanal e hidh matanë ca asfalt ose zhavorr dhe ja ku e gjetëm, pas çerek shekulli jo fshatrat s?iu afruan qyteteve, po qytetet u bënë si katunde të frikshme! Apo jo?!

Ndërkohë Programi Kombëtar i Rilindjes Urbane ka nisur prej aty ku ka nisur çdo qytetërim apo nga ku ka rinisur çdo epokë apo kapitull i ri zhvillimi social e urban: Nga qendrat e qyteteve, të cilat janë qendra e gravitetit të bashkëjetesës komunitare, zemra që mban lidhur të gjitha arteriet e një njësie të organizuar shoqërore. Dhe prej aty programi po vijon të shtrihet në arteriet kryesore e, me patjetër do të prekë, pjesë ? pjesë, çdo zonë të banuar të bashkive të reja që krijoi reforma historike e administrimit të territorit, fshat më fshat. E di që shumë njerëz janë lodhur duke pritur 25 vjet që ky ndryshim real e i prekshëm që po ndodh sot në zonat qendrore të qyteteve tona, të ndodhte në lagjen a në fshatin e tyre apo në rrugën që lidh shtëpinë e tyre me qendrën e qytetit! Kanë shumë të drejtë. Po çfarë të bëjmë sot?!

Nuk besoj që edhe më të verbërit, ta besojnë vërtetë se është mëkati i kësaj qeverie që në raport më zhvillimin urban të territoreve bashkiake, e ka nisur punën aty ku, në fakt, puna duhet të kishte nisur 25 vjet më parë! Nëse ju e imagjinoni me siguri ku do të ishin sot edhe fshatrat, po të kishte filluar puna si duhet, me rend logjik, para 25 vjetësh, ju siguroj se unë e di shumë mirë se ku do të ishim 25 vjet nga sot po të vazhdonim arrno këtu e arrno atje! Pra do të humbisnim edhe 25 vjet të tjera në këtë drejtim, siç humbëm 25 vitet që çanë e ikën. Ashtu sikundër e shoh si dritën e diellit ku do mbërrijmë jo shumë, po 10 vjet më tutje, në rrugën që jemi nisur?

Prandaj punë pa u lodhur, durim pa humbur logjikën dhe natyrisht sakrifica pa harruar qëllimin? Sepse, nëse një gjeneratë u rrit në një vend pa qytete në kuptimin më të thjeshtë të hapësirës publike e sociale, gjenerata tjetër meriton të ketë Shqipërinë e saj të qytetëruar Europiane, që fizikisht nis pikërisht nga qendra e bashkisë???Dhe do ta ketë padiskutim??
?#?Rilindje???#?ShqipëriaeGjeneratësTjetër???