E fundit!

22:40 Politikë

Balla për protestën: Sot aty kanë mbetur “sorrat”, qytetarët meritojnë dialogun

Kryetari i Grupit Parlamentar të Partisë Socialiste, Taula...

FAKSIMILE/ Pse Rama, kandidat i Edi Ramës në Dibër refuzon të plotësoj formularin e dekriminalizimit?

16 Gusht 2016, 10:54, Aktualitet CNA

Më datën 4 maj të këtij viti skadoi edhe afati për plotësimin dhe dorëzimin e formularëve të vetëdeklarimit, pranë institucioneve përkatëse, në zbatim të ligjit për dekriminalizimin e politikës, parlamentit, administratës dhe pushtetit vendor.

Lista e atyre që nuk denjuan apo u frikësuan të plotësonin këtë formular është e gjatë, por me rastin e zgjedhjeve të pjesshme për kryetar bashkie në Dibër, SYRI.net, po ju rikthen listën e anëtarëve të Këshillave Bashkiak të cilët kanë shkelur ligjin në tentativë për të fshehur të dhëna kriminale të vetes, apo rrethit të ngushtë familjar. Janë plot 49-të këshilltar të cilët i janë shmangur me vetëdije ligjit dhe nuk zbatuan afatin e këtij vetëdeklarimi të vendosur nga KQZ, i cili ishte data 4 maj 2016.

Në listën e mëposhtme të publikuar nga KQZ, menjëherë pas skadimit të afatit bie në sy, i treti në radhë, edhe kandidati i Partisë Socialiste për kryetar bashkie në zgjedhjet e pjesshme që do të zhvillohen në datën 11 shtator në Dibër, Muharrem Rama.

Dje Edi Rama dërgoi në Dibër për ta prezantuar Muharrem Ramën, ministrin Damian Gjiknuri. Ky i fundit e paraqiti kandidatin e tyre, si një person që pikën më të fortë ka pastërtinë e figurës së tij dhe të familjes nga vjen.

Ndoshta është kështu, por ky ?engjëll? i Ramës ashtu si dhjetra të tjerë që ai i ka për zemër, na rezulton se nuk ka kaluar në sitën e dekriminalizimit, as për postin e këshilltarit bashkiak, madje e ka shmangur atë me vetëdije të plotë.

Natyrshëm lind pyetja, përse Muharrem Rama, nuk e zbatoi ligjin e dekriminalizimit në afatet e tija dhe çfarë fsheh ai?

Në formularin e dekriminalizimit bëhen qindra pyetje, që nga mitmarrja e deri te pastrimi i produkteve që vijnë nga veprimtari kriminale.

Cilës, apo cilave pyetje ju është frikësuar kandidati i Partisë Socialiste për kryetar bashkie në Dibër?

Kush është veprimtaria dhe statusi penal i rrethit të ngushtë të tij familjar?