E fundit!

11:46 Aktualitet

Balla, pyetje publike protestuesve

Kreu i Grupit Parlamentar të PS-së, Taulant Balla, u është...

E HA MUSHKA DROGËN?!/ Nga Mitro ÇELA

16 Gusht 2016, 10:16, Aktualitet CNA

Karshi njeri tjetrit janë dy fshatra. Njeri në tokën e grekut e tjetri në tokën e shqipos. Fshati shqiptar është I dalluar për cilësinë e gomarëve. Është hajvani më me vlerë për punë shtëpije. Në ekoniminë e tregut, falë lirisë, gomari ndërroi profesion: U bë kontrabandist! Transporton ashash. Kush nuk beson, le të këndoi këtë histori.

Në fillim fshatarët trajtojnë gomarin. E lënë dy ditë pa bar e pa ujë. Pastaj e marrin për kapistalli, kapërcejnë kufirin dhe e çojnë në fshatin grek. Atje I japin ujë dhe tagji. Këtë skenë e përsëritin disa herë. Brenda disa javëve hajvani e mëson zanatin, më shpejt se sa një takëm deputetësh, zanatin e oratorit. 37.9 përqind e deputetëve, ende nuk e kanë zbërthyer gojën në parlament. Hallall rrogat që marrin! Një kokë deputeti, i kushton sovranit mesatarisht 60 mijë dollarë në vit. Në krye të javës, veshëgjatin pasi e lënë pa ngrënë e pa pirë, e ngarkojnë me ashah dhe e lëshojnë drejt kufirit, pa e shoqëruar njeri. Gomari kalon I qetë dhe I vetëm kufirin, sepse instiktivisht e di vendin ku do ta “shesi” mallin që ka mbi shpinë, për një kovë me ujë dhe një trastë me tagji?

Kjo bëmë ka ndodhur në vitin 2000…Unë mendova se brenda 16 vjetëve kjo histori do ishte harruar. Ka arsye. Është forcuar dhe modernizuar policia. Është bërë top kufiri, sepse edhe Brukseli nuk kursen paratë për të ruajtur kufirin. Po këtë vit historia doli në dritë. Me një ndryshim. Vendin e gomarit e kishte zënë mushka. Normale. Shqipëria ecën përpara. Ka më shumë mall për tu eksportuar. Mushka është më e fortë. Mba mbi shpinë më shumë mall.

Historia e ditëve tona, merr jetë mes dy rretheve në jug të Shqipërisë. Në një anë është Gjirokastra. Në anën tjetër Saranda. Një duzinë me mushka. Malli nuk prodhohet më në Lazarat. Ka ndryshuar vend: Kuç, Mbi Shkodër, në Tepelelë. Përpunohet. Amballazhohet. Paketohet. Të transportohet me makinë? Punë me zarar. Makinat bien më lehtë ne ?grackën?. Po halli? Në fillim mushka zëvëndësojë gomarin. Pastaj makinat. Kafsha e bekuar nuk ka nevojë për rrugë me asfalt. Ecën mal më mal. Shteg më shteg.
Sa tonë janë transportuar? Vështirë të gjendet e vërteta, kur në tavë janë edhe policë, edhe doganierë, edhe taksidarë…