E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Dështimet dhe mashtrimet e Artan Lames me legalizimet

16 Gusht 2016, 11:10, Aktualitet CNA

Qeveria ka dështuar me legalizimet. Kjo duket hapur pasi vetëm tani pas tre vitesh qeverisje ALUIZNI dhe Zyra e Regjistrimit të Pasurive vendosin të bashkëpunojnë për një gjë që fare thjesht mund dhe duhet ta kishin bërë që në krye të herës. Me këtë hap që ka qeveria Rama duket se ajo që thotë Lame është plotësisht e vërtetë. ?Legalizimi nuk mbaron kurrë?. E kjo jo vetëm për faktin që citon ai se shqiptarët nuk heqin dot vesin e të ndërtuarit pa leje, por se mungon vullneti i qeverisë për ta bërë këtë dhe e ruan si kartë në dorë për ta përdorur për premtim para elektoral si në këtë rast. Lame hedh poshtë edhe dekaratën e kryeminitrit i cili ka theksuar se Qeveria ka kontroll të plotë mbi territorin për ndërtimet pa leje.

Nga ana tjetër vetë Lame pranon se do të ketë kërkesa për legalizim, sepse sipas tij ka dhe do të ketë gjithmonë njerëz që ndërtojnë pa leje. Po pse kështu me gjithë ato shëmbje a thua të mos jenë trembur shqiptarët të ndërtojnë pa leje, apo kështu i leverdis qeverisë që të mos i mbyllen kurrë këto sektorët e punës së prishjeve. Ndërkohë e vërteta është që njerëzit marrin leje për të riparuar çatitë. Si shumë pak i rifreskuar Lamja në informacion, apo kështu i leverdis të thotë.

Çfarë bëri qeveria e Ramës në këto tre vjet, në drejtim të legalizimit?

Lame e quan histori suksesi, dështimi flet vetë. Problematikat e ALUIZNI-it lidhur me stokun, apo ndërtimet që nuk do të legalizohen kurrë pasi janë ndërtime në zona si kala mund të ishin situata që mund të zgjidheshin paralel me legalizimet.

?Kam tre vjet drejtor i ALUIZNIT, dhe kjo qeveri me legalizimet qe histori suksesi?. Ky slogan i para fushatës së Ramës në ligjëratën e Artan Lames është propagandë e pastër dhe asnjë shqiptar nuk mund ta hajë për të vërtetë, pasi shqiptarët e dinë mirë se kanë nëpër duar copa letre që pa hipotekën nuk kanë asnjë vlerë. Dhe natyrisht dinë edhe kalvarin që e bën plotësisht negativ efektivitetin e gjithë këtij procesi që me shumë gjasa do të ngelet si premtimi i hershëm elektoral ?do ju sjellim ujë të pijshëm?, por që çuditërisht në çdo fushatë thuhet me të madhe se ende ngelet një premtim i pambajtur. /Citynews.al