web counter
LEXO PA REKLAMA!

SHKARKO APP

App Store
Google Play

Tony Blair rikthehet në Dhërmi/Për çfarë po e këshillon Edi Ramën, ish-Kryeministri britanik?

16 Gusht 2016, 16:57, Aktualitet CNA

Ish-Kryeministri britanik, Tony Blair, është rikthyer sërisht në vilën qeveritare në Dhërmi, atje ku prej më shumë se dy javësh po pushon Kryeministri Edi Rama bashkë me familjen e tij. Kjo është vizita e dytë brenda pak ditësh që Blair i bën Ramës në vilën qeveritare, ndërsa sërisht ka udhëtuar me helicopter nga Tirana drejt Dhërmiut, sikundër pohojnë dëshmitarët.

Por cili është qëllimi i vizitës së Blair në Shqipëri? Herën e parë ajo që u tha për mediat ishte se ish-Kryeministri britanik kishte zgjedhur të pushonte në brigjet e bregdetit në Jug të vendit, madje ai u shfaq në një foto me Kryeministrin Edi Rama në vilën qeveritare.

Por duket se vizitat e Blair në Shqipëri, më saktë në vilën qeveritare ku po pushon Rama, nuk janë vetëm në kuadrin e pushimeve. Blair shërben si këshilltar i Edi Ramës prej vitit 2013, dhe duket se tashmë ai po këshillon realisht Kryeministrin për çështje të cilat Kreu i Qeverisë mund t?I konsiderojë si pa rrugëdalje.

Është qesharake të mendosh se Blair mund të këshillojë Ramën bie fjala për zgjedhjet në Bashkinë e Peshkopisë, por mund të jenë me dhjetra çështje të tjera, që nisin që nga Qeveria dhe përfundojnë me reformën në drejtësi, apo projekte të tjera të mëdha, për të cilat Blair mund të këshillojë Edi Ramën.

Ndoshta mund të jetë një lobim edhe për çështje ndërkombëtare për të cilën Qeveria shqiptare nuk ka ndonjë vendim, sikundër mund të jetë rasti për votën e Shqipërisë për zgjedhjen e Kreut të OKB-së. /citynews/





Lajmet e fundit nga