web counter
LEXO PA REKLAMA!

SHKARKO APP

App Store
Google Play

E fundit!

x

Financat/Të ardhurat për 7 mujorin, 19.3 miliard lekë më shumë se në 2015

16 Gusht 2016, 19:26, Aktualitet CNA

Rritja e të ardhurave dhe tkurrja e shpenzimeve kanë krijuar në buxhetin e shtetit një sufiçit prej 18 miliardë lekësh.

Ministria e Financave ka publikuar treguesit fiskalë për periudhën 7 mujore, nga ku rezulton se të ardhurat totale janë realizuar në masën 232.1 miliardë lekë, me një realizim pothuajse të plotë në raport me planin e kësaj periudhe.

Të ardhurat nga ?Tatime dhe Dogana? për 7 mujorin e vitit 2016 u realizuan në vlerën 201.7  miliard lekë, 19.3 miliard lekë më shumë se 7 mujori i vitit 2015 dhe 1.3 miliard lekë më shumë se plani.

Ritmi i rritjes së të ardhurave është ngadalësuar disi. Për periudhën 7 mujore të ardhurat nga Tatimet dhe Doganat u rriten me 10.3 perqind nga 12 perqind qe ishte rritja per 6 mujorin.

Të dhënat tregojnë për rritje të të ardhurave nga akcizat, taksat doganore, tatim-fitimi, TVSH-ja, pavarësisht rimbursimeve që janë shtuar, tatimi mbi të ardhurat personale dhe taksat kombëtare.

Me rënie paraqiten të ardhurat nga renta minerare, për shkak të rënies së çmimit të mineraleve në bursat ndërkombëtare.

Përsa i përket shpenzimeve, ato mbeten në nivele relativisht të ulëta.

Për periudhën 7 mujore, arritën në rreth 214.1 miliardë, me një realizim në masën 89%.

Sipas Ministrisë së Financave, shpenzimet kapitale ose ndryshe investimet publike rezultojnë në masën 81%.

TË ARDHURAT NGA TATIMET DHE DOGANAT

7 mujori 2016                     201.7 mld lekë

Rritja vjetore                       19.3 mld lekë

Rritja kundrejt planit         1.3 mld lekë





Lajmet e fundit nga