E fundit!

19:46 Aktualitet

Me thirrje e simbole kuqezi/ Protestuesit zhvendosen drejt Kryeministrisë

Mijëra qytetarë që janë mbledhur sot në qendër të kryeqyte...

Po FRESSH dhe LRI pse nuk ndihmojnë FNSH për korrjen e hashashit?

17 Gusht 2016, 06:51, Aktualitet CNA

Parcelat e shumta me hashash të shtrira në të gjithë vendin po shoqërohen edhe me humor dhe ironizime në rrjetet sociale. Policia raporton pothuajse cdo ditë asgjesimin e mijëra rrënjë bimësh narkotike, por duket se territori nuk mund të pastrohet.

Ylli Dylgjeri, përmes një komenti në rrjetet sociale, shkruan se Hashashi nuk mundet të korret vetëm nga policët e FNSH-së. Sipas tij, në ndihmë të këtyre korrjeve mund të mobilizohet edhe rinia e vëndit.

“Organizatat e FRESH, LRI dhe Rinia Demokrate etj, mund ta marrin këtë iniciativë, e më tej të shkojnë me pushime në Jalë e në Jug të vendit”, shkruan ai.

Komenti i plotë i Ylli Dylgjerit

Malet me blerim mbuluar,
plot me bimësi: Buum!

Janë fjalët e shkëputura nga teksi i një kënge partizane, të kënduar gjatë e pas luftës nga rreshtat partizane, e më tej korri i Ansamblit te Ushtrisë. Një këngë që u kompozua për të mobilizuar forcat partizane në luftë kundër pushtuesit të huaj…

Sot, duke kujtuar fjalët e saj, si dhe duke ndjekur në TV pamjet e parcelave të drogës anekand vendit, me vjen sërisht t’ja propozoj këtë këngë rinisë, si hit gjatë punës (luftës), për shkuljen e bimëve të hashashit në malet e mbjellë me të. Situatat janë pak a shumë njëlloj: Jemi të pushtuar nga droga!

Armik kishin përballë aso kohe rinia, armik konsiderohet dhe droga sot. Ateherë shtabin e drejtonte shoku Enver, sot shtabin mund ta drejtojë shoku Edi.

Edhe Bumi është i madh. Kërkohet vetëm vullnet politik.

Hashashi nuk mundet të korret vetëm nga policët e FNSH-së. Në ndihmë të këtyre korrjeve mund të mobilizohet edhe rinia e vëndit. Organizatat e FRESH, LRI dhe Rinia Demokrate etj, mund ta marrin këtë iniciativë, e më tej të shkojnë me pushime në Jalë e në Jug të vendit. /citynews/