Raporti italo-gjerman/Ja zonat e mbjella me drogë në Korçë

17 Gusht 2016, 08:40, Aktualitet CNA

Qarku i Korçës nuk i ka shpëtuar ?sëmundjes? së mbjelljes me canabis. Citynews disa muaj më parë raportoi se Korça ishte kthyer në hambarin e hashashit. Zona të tëra janë mbjellë me bimë narkotike. Disa prej tyre afër qytetit. Raporti i agjensive italiane dhe gjermane flet për zona të thella malore, ndërkohë të policia ka kapur drogë edhe në fshatrat afër qytetit, si në Dishnicë, thua se droga ishte mbjellë tek dera e bashkisë Korçë. Situata në teren duket të jetë më alarmante, fushat rrëzë malit të Moravës, janë mbuluar nga canabisi.

Raporti thekson se mbledhja e drogës vjen nga një bashkëpunim i krimit me policinë e shtetit. Ky raport duket të jetë shumë pranë të vërtetës në shumë zona të Shqipërisë, ku vetë policia çdo ditë jep raporte por zbulim dhe eleminim të mijëra rrënjëve canabis. Në Korçë shquhen për mollët, qepët apo pataten,

tani eksperienca me e re është canabisi.

Sipas raportit për qarkun Korçë jepen këto të dhëna, në Bashkinë Korçë, zonat e kultivuara me kanabis janë: fshatrat Dardhë,Vithkuq, Lekas, Mesmal, Moglicë, Dushar, Floq, Moravë, Fusha e dyte, fusha e tretë, fusha e katërt, Bozdoveci.

Në Bashkinë Pogradec zonat e kultivuara rezultojnë; Njësia Administrative Dardhas, Velçan, Trebinjës, Hudënisht, Mokër, Guri i Kamjes.

Në Bashkinë Bilisht, fshatrat Bickë, Hoçisht, Koshnicë, Arëze, Vidohovë.

Në Bashkinë Ersekë, fshatrat Gjonç, Shemtir, zona e Shelegurit.

Këto janë zonat e identifukuara nga raporti i agjensive sekrete italo-gjermane, por kjo duket të jetë shumë më pak sesa realiteti në qarkun e Korçës që prej kohësh është kthyer në hambarin e canabisit./citynews

Shkrimi i botuar ne 14 korrik

Korça hambar i kanabisit/ Ja zonat e mbjella