Një lajm i mirë: luftanija greke “Chios” viziton Durrësin

10 Gusht 2016, 08:43, Aktualitet CNA

*Gjergj THANASI

Luftanija greke tankozbarkuese ?Chios? po kryen një vizitë 3 ditore në Portin e Durrësit. ?Chios? është një nga 5 anijet Klasit ?Jason?. Anija 4500 DWT ka kapacitet mbartës për një batalion tankesh dhe 2 kompani këmbësorie të motorizuara përkatësisht 22 tanke MBT, 287 trupa dhe automjetet e tyre. ?Chios? për vetëmbrojtje ka një top me përdorim të dyfishtë prodhim ?Otto Melara? kal. 76mm, një top automatik ?Breda? kal. 40/70 mm si edhe 4 topa automatikë ?Rheimetall? kal 20 mm.

Lajm i mirë

Prej rreth 15 vitesh portet shqiptare nuk ishin vizituar nga luftanije greke me përjashtim të një vizite në Durrës të një dragamine obsolete të klasit ?Hunt?. Përjashtim bën këtu një katër me raketa i klasit ?La Combatente III?, që vizitoi Durrësin në qershor 2015 në përbërje të një flotilje me luftanije italiane, kroate, sllovene dhe malazeze. Gjatë 15 viteve të fundit vetëm Durrësin e kanë vizituar 15 luftanije turke, destrojerë, fregata të klasit ?Sulltan Javuz?, baza lundruese të klasit ?Akar?, anije gjysëm ?Stelath? të rojës bregdetare si edhe 4 nëndetëse ( Sakaraya, Anafartalar, Dolunay dhe Preveza). Madje në një rast një flotilje e tërë luftanijesh turke (5 anije) e komanduar nga një komodor vizitoi njëkohësisht si Durrësin edhe Vlorën.

Për Shqipërinë vend anëtar i NATO-s është një lajm i mirë që marina luftarake greke i ka tejkaluar pasojat më të këqija të krizës ekonomike. Fjala vjen 3 vjet më parë kjo marinë nuk kishte karburant as për të kryer patrullime rutinë brenda ujërave territoriale, pa folur për patrullime në ujërat e zonës eskluzive ekonomike greke. Ishte fat i madh për flotën luftarake greke, që miliarderi grek (arvanitas) Spiros Janis Llacis dhuroi disa mijë ton naftë, që i mundësoi forcave detare helenike të kryënin detyrat më bazike për patrullim-mbikqyrje të ujërave territoriale greke. Sot një anije si ?Chios? udhëton nga Egjeu në Jon e ngjitet në Adriatik për të ardhur deri në Durrës për më tepër, që motorrët ?Wartsila Nohab? të kësaj anije kanë konsum të lartë karburanti!

Ky është fakt pozitiv se tregon, që një vend anëtar i NATO-s si Greqia e ka tejkaluar disi krizën ekonomike, saqë jo vetëm ka naftë për vizita anijesh luftarake deri në Adriatik, por ka fonde edhe për blereje raketash ?Exocet? për të modernizuar katrat e vjetër me raketa të klasit ?La Combatente II?. Me sa duket forcat e armatosura greke po kalojnë edhe krizën morale, ku hajdutëria dhe korrupsioni kishte shkuar deri në nivel ministri mbrojtjeje. Simptomë tipike e këtij kalbëzimi moral ishte arrestimi i ish ministrit të mbrojtjes Xohaxopullos si hajdut tenderash.

Me këto zhvillime pozitive krahu juglindor i NATO-s duket më i konsoliduar se më parë, për më tepër, që edhe flota shqiptare tashmë ka në arsenalin e saj 4 anije patrulluese ultramoderne të klasit ?Iliria? të pajisura me topa uji të fuëqishëm shumë të përshtashëm për shuarje zjarresh.

Nivel i ulët përfaqësimi

Ndërsa luftanijet turke dhe koktejlet e shtruara prej tyre janë nderuar me prezencën e minstrave të mbrojtjes Oketa, Imami apo Kodheli apo gjen. Gjunkshit e Bazes, Shefa të Shtabit të Përgjithshëm, në koktejlin e shtruar në anijen tanko-zbarkuese greke ?Chios? përfaqësimi ishte në nivel drejtori drejtorie në Ministrinë e Mbrojtjes si edhe të gjen/ brigade këmbësorie Ylber Dogjani, komandant i Frocave të mbrojtjes detare. Po ashtu në vizitën e vullnetit të mirë, që bëri kapiteni i luftanijes ?Chios? në bashkinë e Durrësit ai u prit nga nënkryetari i bashkisë Braho, pas refuzimit për ta pritur nga ana e nën/kryetarit Florian Tahiri (përfaqësues i PDIU-së)./*Shkruar per citynews.al