Përgjigje Halil Matoshit për Majlinda Kelmendin/ Nga Kastriot MYFTARAJ

10 Gusht 2016, 08:37, Aktualitet CNA

Halil Matoshi, një nga dy elaboruesit më të zëshëm të teorisë së kombit kosovar, ka reaguar ndaj shkrimit tim ?Pse nuk jam krenar për Majlinda Kelmendin, madje e përçmoj atë? me një status në profilin e tij në Facebook:
?Fotografia = 1000 fjale: Duhet me qene idiot dhe monstrum si Kastriot Myftaraj ai qe perpiqet me i nxit kosovaret mos me i dhane besnikri e dashuni atdheut te tyne te vetem, Kosoves!
P.S.
Jam krenar qe jam kosovar!?
Halil Matoshi nuk më citon se si unë i paskam nxitur shqiptarët e Kosovës (ai thotë kosovarët) që të mos e duan atdheun dhe të jenë besnikë ndaj tij. Unë në shkrimin tim kam qortuar Majlinda Kelmendin që nuk ushtroi të drejtat që ia njeh Kushtetuta e Kosovës për përdorimin e simboleve kombëtare shqiptare veç atyre shtetërore neutrale të Kosovës.
Sipas nenit 3, paragrafi i parë, të Kushtetutës së Kosovës: ?Republika e Kosovës është shoqëri shumëetnike e përbërë nga shqiptarët dhe komunitetet e tjera.?
Siç shihet, Kushtetuta e Kosovës veçon duke e potencuar pikërisht shqiptarët si komunitetin më të madh. Prandaj, të thuash siç bën Halil Matoshi se shqiptarët e Kosovës duhet të heqin dorë nga identiteti shqiptar dhe të quhen thjesht kosovarë, është një qëndrim antikushtetues, i dënueshëm me burg nga ligjet e Kosovës, që mbrojnë të drejtën e komuniteteve etnike për ruajtjen dhe zhvillimin e identitet kombëtar të tyre.
Sipas nenit 59 të Kushtetutës, pjestarët e komuniteteve kanë të drejtë që individualisht ose si grup të:
?të përdorin dhe të shfaqin simbolet e komunitetit në përputhje me ligjin dhe standardet ndërkombëtare.?(paragrafi 7)
Kështu që ndalimi i përdorimit të simboleve kombëtare shqiptare është në kundërshtim me Kushtetutën e Kosovës.
Nëse dikush në Kosovë do të shprehej publikisht që romët, egjiptianët, ashkalinjtë, boshnjakët e Kosovës (për të mos folur për serbët) nuk duhet të quhen më romë, egjiptianë, ashkalinj, boshnjakë, por vetëm kosovarë, dhe të mos përdorin simbolet kombëtare të tyre, por vetëm ato shtetërore të Kosovës, ky person do të arrestohej për nxitje të urrejtjes ndaj komuniteteve etnike të Kosovës, dhe do të dënohej me burg.
Në Kosovë tolerohet megjithatë që njerëz si Halil Matoshi ta bëjnë një propagandë të tillë në dëm të shqiptarëve. Halil Matoshi është një monstrum antishqiptar.
Halil Matoshi nuk nxit thjesht urrejtjen e shqiptarëve të Kosovës ndaj Shqipërisë, duke shpikur të pavërteta, kinse Shqipëria nuk e ka ndihmuar kurrë Kosovën, por vetëm e ka dëmtuar. Halil Matoshi nxit urrejtjen e shqiptarëve të Kosovës ndaj identitetit të tyre shqiptar.
Por çka do të ndodhë nëse shqiptarët e Kosovës quhen thjesht kosovarë, edhe sa i përket identitetit etnik, jo vetëm atij shtetëror?
?Kosovë? është një fjalë në serbisht.
?Kosovar? është një fjalë në serbisht.
Nëse shqiptarët e Kosovës quhen kosovarë edhe sa i përket identitetit etnik, ata praktikisht do të sllavizohen në këtë përmasë të identitetit të tyre.
Sepse fjala ?shqiptar?, që është në gjuhën shqipe, tregon se shqiptarët e Kosovës kanë një identitet të veçantë etnik e ndryshme në një territor me emërtim sllav.
Se çka do të jetë Kosovari etnik shpjegohet me së miri me shembullin e Halil Matoshit:
-Emri arabo-turk: Halil
-Mbiemri serb: Matoshi
-Identiteti shtetëror në serbisht: Kosovar
-Identiteti etnik në serbisht: Kosovar
Religjioni: Islam
Përfundimi: Kosovari etnik është sllavo-musliman.
Majlinda Kelmendi duhet të shqetësohet që për arritjen e saj ndjehet krenar Halil Matoshi, i vetëshpalluri kosovar etnik.