web counter
LEXO PA REKLAMA!

SHKARKO APP

App Store
Google Play

E fundit!

x

BE monitoron ujin e bregdetit të Vlorës

9 Gusht 2016, 19:50, Aktualitet CNA

Në kuadër të fushatës së ndërgjegjësimit mbi cilësinë e ujit të detit, sot Qendra e Informimit e BE-së Vlorë ndërmori veprime për monitorimin e ujit të detit në Qarkun e Vlorës.

8 mostra në 4 pika u morën sot nga ?Plazhi i vjetër? tek ?Plazhi i Ri? për të kryer analizat baktereologjike të ujit të detit.

4 mostra u morën në plazhin e vjetër në 2 pika të ndryshme dhe 4 mostra në Plazhin e Ri në 2 pika të ndryshme. Fushata e monitorimit u mbështetet nga përfaqësues të Organizatës mjedisore ?Legambiente? Vlorë dhe stafit të Qendrës së Informimit të BE-së, Vlorë.

Ajo synon të nxisë pjesëmarrjen civile në mbajtjen pastër të plazheve dhe përmirësimin e cilësisë së ujit të detit, kryesisht përgjatë sezonit veror.

Procesi i monitorimit do të përsëritet në shtator dhe rezultatet e tij do të publikohen dhe do ti vihen në dispozicion publikut dhe aktorëve vendorë në mënyrë që të adresojnë më mirë çështjet e cilësisë së ujit të detit në përputhje me strategjitë kombëtare dhe direktivat dhe standartet e BE-së.

Rezultatet e monitorimeve do të shërbejnë politikave vendore dhe kombëtare si dhe masave të nevojshme që synojnë të ofrojnë mjedis të sigurt dhe të shëndetshëm për qytetarët shqiptarë dhe turistë.





Lajmet e fundit nga