Edhe 3 mln klandestinë drejt Italisë/ A do të aktivizohet rruga nga Shqipëria?

9 Gusht 2016, 16:25, Aktualitet CNA

Kriza e emigrantëve vazhdon të mbetet një nga temat më shqetësuese për autoritetet italiane. Gjatë orëve të fundit ka një rritje të nisjes së emigrantëve me anije të mëdha peshkimi me 6-7mijë persona nga Egjipti drejt brigjeve italiane.

Gjithashtu në kufjtë me Francën si në qytetin e Ventimiglia e Komo mijëra emigrantë janë grumbulluar në pritje për të kaluar kufirin, duke shkaktuar gjatë dy ditëve të fundit protesta mes shoqërive civile e forcave të rendit.

Por ajo çka preokupon më shumë gjatë këtyre orëve është rreziku i mos respektimit të paktit të nënshkruar në muajin mars mes Turqisë e Bashkimit Europian përsa i përket emigrantëve që hyjnë në territorin turk përmes ishujve greke, me një vëmëndje të veçantë ndaj emigrantëve sirianë, citon Oranews.

Mos respektimi i kësaj marrëveshje nga ana e qeverisë së Ankarasë mund të shkaktojë që Europa do t?i duhet të përballojë mbërritjen e rreth 3 milionë emigrantëve, mes të cilëve 2 milionë e 800 mijë janë vetëm emigrantë sirianë, për të cilët sot Turqia është një portë për të mbërritur në Europë.

Pikërisht mbi këtë rrezik, Ministria e Brendshme italiane me anë të kreut të Departamentit të Lirisë Civile e Emigracionit, Mario Morcone në të përditshmen italiane ?La Republica? është shprehur se ?Mos respektimi i marrëveshjes nga ana e Turqisë do të përbënte mbi të gjitha një problem që do të prekte sidomos Greqinë.?

E përsa i përket frontit shqiptar, pra rrezikut të hapjes së rrugës së Adriatikut për nisjen e emigrantëe nga Greqia, në Shqipëri e më pas në brigjet italiane, funksionari i Ministrisë së Brendshme u shpreh se ?nuk ekziston një plan B në rastin e një ngrirje hipotetike të marrëveshjes mes Turqisë e BE.

E megjithatë prej më shumë se 4 muajsh funksionarë të Ministrisë së Brendshme italiane sëbashku me forca të shërbimeve të Inteligjencës po punojnë në Tiranë sëbashku me autoritetet lokale në funksion të luftës kundër antiterrorizmit ashtu dhe në rastin e përballimit të një fluksi të mundshëm të emigrantëve përmes rrugës së Adriatikut.?