web counter
LEXO PA REKLAMA!

SHKARKO APP

App Store
Google Play

E fundit!

x

Kush po e mbron Klement Balilin?

9 Gusht 2016, 15:23, Aktualitet CNA

Partia Demokratike denoncoi sot zyrtarisht se Klement Balili, i akuzuar si Escobari i Ballkanit, po shijon pushimet në praninë e një zyrtari të lartë të Policisë së Shtetit. PD publikoi disa foto, ndërsa akuzoi Kryeministrin Edi Rama se po mbronte Balilin.

Por ajo që bie në sy është fakti se partia më e madhe e opozitës për asnjë moment nuk përmend faktin se Balili, përpara se tëshpallej në kërkim ndërkombëtar si i akuzuar për trafikun ndërkombëtar të drogës, mbante detyrën e Drejtorit të Transportit në qytetin bregdetar, dhe në këtë pozicion ai përfaqësonte LSI-në.

Balili rezulton se ka në pronësi dy hotele luksoze në jug të vendit, ndërsa në inaugurimin e një prej hoteleve rreth dy vite më parë, ishin të pranishëm figura të rëmdësishme të së majtës, ministra dhe deputetë.

Biznemeni 46 vjeçar tashmë rezulton person i kërkuar ndërkombëtarisht pas hetimeve të zhvilluara nga DEA amerikane dhe Policia Greke, si i përfshirë në trafikun ndërkombëtar të drogës.

Por pyetja që shtrohet është kush po e mbron Klement Balilin ose kush po sfidon hetimet e DEA-s amerikane ndaj 46 vjeçarit?

Nëse i referohemi deklarimeve të PD-së atëherë përgjegjësia bie mbi Edi Ramën, i cili sipas opozitës mbron Balilin. Por nëse i referohemi deklarimeve të bëra nga ish-deputeti Koço Kokëdhima në Maj të 2016, rezulton se ai është emëruar nga LSI, por PS ka heshtur. Kokëdhima shprehej në atë kohë se nuk kishte kontakte me Balilin dhe pjesëmarrja e tij në hotelin e inauguruar në Sarandë, ishte në krah të ministrave, deputetëve dhe Kryetarit të Kuvendit, Ilir Meta.

?Dje në Parlament Saliu tha, se Klemet Balili është emëruar nga Kokëdhima në detyrën e drejtorit të shfrytëzimit të automjeteve në Sarandë. Ai gjithashtu tha, se gjoja Klement Balili është i afërt me mua dhe se ka financuar Partinë Socialiste në zgjedhjet e qershorit të 2013. Kjo përbën shpifjen e Saliut nr. 1004. Kurrë nuk e kam njohur Klement Balilin, kurrë nuk e kam takuar apo biseduar me këtë njeri.

Jam parë me të vetëm në inaugurimin e Hotelit tek ish-Kampi i punëtorëve në Sarandë, ku kam qenë së bashku me Kryetarin e Parlamentit, Ministrin Ahmetaj dhe nje grup deputetësh, Kryetarë të Bashkive, drejtues të shtypit e gazetarë.

Balili nuk është propozuar dhe as emëruar si drejtor i KSHA Sarandë as nga unë dhe as nga Partia Socialiste. Ai, në këtë detyrë është propozuar dhe vendosur nga LSI. Që nga majii 2013, që unë jam në politikë dhe asnjëhërë tjetër me parë, Balilajt nuk e kanë mbështetur Partinë Socialiste as finaciarisht, as materialisht dhe në asnjë formë tjetër.

Nga Balilajt, unë njoh prej një viti Rigels Balilin, qysh nga qershorit i 2015. Rigelsi u vendos nga LSI si kandidaturë për kryetar të bashkisë së Delvinës. Me Kryetarin e Bashkisë së Delvinës, Rigels Balili, unë kam ruajtur kontakte dhe komunikim shumë të mirë, si me gjithë kryetarët e tjerë të Bashkive në Qarkun Vlorë-Gjirokastër, ku unë punoj.

Kam takuar 3-4 herë edhe Bako Balilin, kordinatorin e LSI për rrethin e Delvinës, kryesisht gjatë fushatës elektorale të 2015. Përpara vitit 2013, Balilajt nuk kanë qenë kurrë me Partinë Socialiste?, ka sqaruar Kokëdhima në një deklaratë të 13 Majit 2016.

Ndërkohë, ministri i Drejtësisë, Ylli Manjani, duke komentuar akuzat se Balilin e mbron LSI, ka deklaruar ?LSI e ka të konfirmuar mosmbrojtjen  politike ndaj askujt kryetar anëtar, votues apo simpatizant të LSI-së. Ne nuk mendojmë se partitë politike duhet të konkurrojnë me organet e ndjekjes penale që kanë mbështetjen time maksimale, por dhe të LSI-së. Ne mendojmë se çdo kush e ka kokën në shpatullat e veta dhe nuk ka pse të ngatërrojmë detyrat apo çështjet personale me ato të menaxhimit?. /citynews/





Lajmet e fundit nga