web counter
LEXO PA REKLAMA!

SHKARKO APP

App Store
Google Play

Policia e Shtetit: Ne jemi kundër krimit, PD kundër nesh

9 Gusht 2016, 12:40, Aktualitet CNA

Pas deklaratave të Partisë Demokratike, përmes nënkryetarit, Edi Paloka se forcat e rendit janë të implikuar me krimin e organizuar, ka reaguar Policia e Shtetit. Në një njoftim për mediat, policia e Shtetit i kërkon Partisë Demokratike të ndalë luftën e vazhdueshme politike kundër punës së saj.  ?Në respekt të opinionit publik, por edhe punës së pakursyer të trupës policore, rikujtojmë se politika nuk bëhet duke sulmuar policinë, por duke mbështetur përpjekjet e saj kundër krimit dhe paligjshmërisë.  Është shqetësuese përsëritja e përditshme e sulmeve dhe baltës kundër Policisë, në një kohë që Policia është përditë në betejë me krimin. Kur Policia është kundër krimit, PD është kundër Policisë. Edhe më shqetësues bëhet ky fakt, teksa rezultatet kundër kultivimit të drogës rriten. Kjo luftë që nisi në pranverën e 2014 në Lazarat e që vazhdon përditë edhe sot, është një histori suksesi që Policia e Shtetit po e shënon çdo ditë?, thuhet në njoftimin e policisë së shtetit. Kjo e fundit ka ftuar PD-në të denoncojë në Prokurori çdo informacion që zotëron për kultivimin e narkotikëve si dhe për çdo person të implikuar.





Lajmet e fundit nga