web counter
LEXO PA REKLAMA!

SHKARKO APP

App Store
Google Play

E fundit!

x

Intervista ekskluzive/ Marko Bello flet për luftën e “gjelave” Rama-Meta, lëvizjen Blushi-Hafizi dhe vjeshtën politike

9 Gusht 2016, 09:25, Aktualitet CNA

Marko Bello ish-ministër dhe ish?deputet socialist flet një një intervistë eksksluzive në citynews.al. Ai komenton situatën politike dhe reformën në drejtësi, flet për ?gjelat? Rama-Meta, lëvizjen e Ben Blushit dhe çfarë mund të ndodhë në shtator pas reformës në drejtësi. Më poshtë inteërvista e plotë e Marko Bellos.

Reforma në drejtësi ende shumë zhurmë, çfarë zhvillimesh shikoni pas saj?

Ndoshta është ende shpejt të flasim për një reformë e cila nuk është perfunduar dhe do të kërkojë kohë të implementohet. Për pasoja do te duhet kohë për të parë rezultate konkrete. Megjithatë, rendesi ka që statusquo-ja do të prishet dhe shpresohet se gjerat do të adresohen disi me sistemin e drejtesisë. Siç thonë kinezet, uji duhet turbulluar që të kthjellohet.

Në fakt, edhe sistemi aktual në thelb mbështetej mbi parimin check and balance dhe shumica e anëtareve të KLD (9 nga 13) zgjidheshin nga vetë konferenca e gjyqtarëve. Por, si në të gjitha rastet fajin e kanë drejtuesit që deformojnë sistemin.

Ndoshta kësaj radhe institucione si Byroja Kombëtare e Hetimit do ta cajne qarkun vicioz politike-gjyqesor, duke dënuar ata që abuzojnë me funksionet publike, pronën dhe parate e taksapaguesve…

PS-LSI një qeverisje me përplasje të pandalshme, kush janë shkaqet dhe thelbi i problemit në këtë konflikt Rama-Meta?

Lidhur me koalicionin PS-LSI, duket se ai nuk funksionon dhe arsyet janë të ndryshme, por qe i bashkon nje pikë: etja për më shumë pushtet dhe ambicja e shfrenuar politike. Rama e Meta janë dy gjela që nuk i hapin rrugë kollaj njëri-tjetrit. Rama vuan nga fakti se nuk e kontrollon terësisht pushtetin, ndërsa Meta kerkon te rritet e te jetë ai kryeminister.

Bashkohen nga halli se veç nuk fitojnë dot, por grinden kur bashkohen se vetem njëri mund të jetë kryeministër. Pas zgjedhjeve lokale filluan edhe problemet: Ramës nuk i erdhi mirë nga rritja e LSI, ndersa Meta nuk e kapërdiu kollaj humbjen e disa bashkive si Lezha, Pogradeci apo Vora, duke dyshuar për sabotim nga struktura të PS. Kjo është pjesa e dukshme e përplasjeve, ndërsa arësye të tjera që i largojnë apo afrojnë dy lideret pritet të na shfaqen me vonë.

Levizja Blushi – Hafizi, si e shikoni ecurinë e saj dhe çfare mund ti sjellë të majtës?

Lëvizja Blushi-Hafizi ka shumë përkrahës, mbi të gjitha të rinj të shkolluar dhe me ambicje, që kërkojne një politike ndryshe dhe që nuk e gjejnë veten tek partite kryesore. Dhe jo vetem të majte. Por, nuk di te them nëse levizja do te kthehet apo jo në nje parti politike. Në vjeshtë do të duken më qartë gjërat./Intervistoi: Elvi FUNDO

 





Lajmet e fundit nga