Nga Konferenca e Londres te medalja e arte ne Rio/ Nga Roland LUÇI

9 Gusht 2016, 08:46, Aktualitet CNA

Filloi me 1913 me shkeputjen nga trungu, pati disa shperngulje masive drejt Turqise, kushtezuar nga aspekti nacional pati nje pozicionim jo fort me fat gjate Luftes II Boterore, perseri shperngulje e emigrim masiv, izolim nga sheti amë, formalisht aprovoi gjuhen standarde ne nje kongres drejteshkrimi qe realisht nuk u aplikua dot kurre masivisht, universiteti i vetem i saj ja la shpejt vendin mesimdhenies nivelulët neper shtepi e bodrume, konfliktet ndëretnike nen shtetin ku jetoi 90 vjet çuan ne lufte dhe shkeputjen e saj, kjo shkeputje per shume arsye nuk çoi ne afrimin me shtetin amë dhe kulturen amtare objektivisht më të kultivuar ne shtetin amë, u njoh dhe po njihet nderkombetarisht si shet i veçante dhe po antaresohet si i tille ne organizma nderkombetare, aderoi ne FIFA, ka nje mjet emocional te fuqishem masiv – kombetaren e saj te futbollit ne konkurence tashme me ate te shtetit amë, eshte krijuar nje shtrese intelektuale qe per qellimet e saj dhe atyre qe e financojne e cila ngul kembe se behet fjale tashme per nje etni me tipare qarte dallueshem nga kombi dikur i perbashket, qytetaret e politikanet e tij flasin nje gjuhe qe shpejt do te kete nevoje per nje alfabet te ndryshem nga ky i shqipes ekzistuese e ndoshta dhe per perkthim te anasjellte kosovarisht – shqip dhe se fundi nje qytetare e atlete e saj fiton medalje te arte ne lojrat olimpike prestigjioze qe ka si pasoje ekzekutimin e Hyminit dhe ngritjen e Flamurit shteteror qe s`kane kurgje te perbashket me simbolet e Kombit ku dikur bente pjese duke theksuar nderkombetarisht ekzistencen e pavarur te saj, te pavarur jo vetem nga shteti te cilit fuqite e medha ja bashkangjiten arbitrarisht dhe perdhunshem dikur dhe qe e shtypi per gati nje shekull, por dhe nga i ashtuquajturi shtet-amë qe ne fakt nuk ekziston me si i tille.

Eshte fjala per toponimin serb Kosovo, eshte emri i shtetit per te cilin folem, tashme nje realitet ne mëvetesin e vet.
Prandaj dhe duke qene krenar per “prodhimet e markes shqiptare” u gezova dhe trishtova nga suksesi i Majlindes ne Rio, prandaj me erdhi turp nga refuzimi i mosdhenies se shtetesise shqiptare kesaj perle sportive qe tani padashje me suksesin e saj ndikon ne ndarjen më të thelle e te shpejte te Kombit, prandaj dhe krenarine e te qenit bashkkombas i saj me duhet ta konfrontoj me realitetin e ekzistences se nje shteti tjeter, nje kombesie tjeter me gjithnje e më pak lidhje me Shqiperine!