web counter
LEXO PA REKLAMA!

SHKARKO APP

App Store
Google Play

Marsela Çaushi: Banka më mori paratë e bamirësve, kam fëmijët pa bukë

9 Gusht 2016, 10:04, Aktualitet CNA

Marsela Çaushi, gruaja e dhunuar nga i shoqi në rrugët e Vlorës dhe e bërë publike me anë të një videoje në rrjetet sociale tani mbetet dhe pa paratë e bamirësisë. Fëmijët e Marselës aktualisht janë përsëri siç ishin, pa bukë. Banka i mori paratë që iu dhanë gruas për t?ia hedhur hallit, pasi ajo kishte dalë garant për nje kredi që ish bashkëshorti i Marselës kishte marrë në bankë kur ata ishin ende të martuar.

Edhe pas kontaktit të Marsela Çaushit me Bankën asgjë nuk ka ndryshuar, ndërsa gruaja shprehet për Gazetën Panorama se vetëm pasi të punësohet mund ta shlyejë kredinë. Lidhur me paratë e bamirësisë Marsela thotë: ?Zhurma u bë e madhe, por deri tani asgjë s?më është ofruar, madje dhe ato pak lekë që më dhanë mi mbajti banka për kamatat e kredisë, që kishte marrë burri para se të ndaheshim?. Marsela deklaron se aktualisht fëmijët e saj janë pa bukë dhe se nga 1.2 milionë lekë të mbledhura nga zemërgjerësia e njerëzve, që deshën ta ndihmojnë gruan 700 mijë lekë të vjetra u mbajtën nga banka ndërsa 350 mijë të vjetra ajo fatmirësisht i kishte tërhequr sapo u hodhën në fillim.

Marsela pret të fillojë punë në shtator të vitit 2016 kur të fillojë viti i ri shkollor si pastruese ne shkolle, ndërsa banon në banesën sociale që iu sigurua nga bashkia Vlorë. / Citynews





Lajmet e fundit nga