web counter
LEXO PA REKLAMA!

SHKARKO APP

App Store
Google Play

E fundit!

x

Ferdinand Xhaferaj kërkon qeveri teknike/PD mos hyjë në zgjedhje me Ramën kryeminister

10 Gusht 2016, 07:03, Aktualitet CNA

Ish-ministri i Kulturës, Ferdinand Xhaferaj, shprehet se qeveria teknike është plotësisht e mundur. Ish-ministri i kabinetit ?Berisha?, duke analizuar marrëdhëniet mes dy partive në pushtet PS dhe LSI, thotë se ndarja e tyre për të arritur në qeverinë teknike është plotësisht e mundur. Xhaferaj thekson se, sido që të shkojnë marrëdhëniet mes dy partive të majta, Partia Demokratike nuk duhet të pranojë të futet në zgjedhje me Edi Ramën kryeministër.  ?Nëse do të hidhnim një vështrim mbrapa për të parë marrëdhënien brenda mazhorancës në tre vitet e qeverisjes, lehtësisht do të konstatonim se ka qenë një marrëdhënie tejet e vështirë midis Partisë Socialiste dhe Lëvizjes Socialiste për Integrim. Edhe ideja më e fundit për qeveri teknike është prodhuar nga brenda mazhorancës, pavarësisht konteksteve që është përpjekur të paketohet si ide. Pra, Lëvizja Socialiste për Integrim në momente delikate, sikurse ka qenë rasti i ligjit për SHISH gjatë qeverisjes me PD-në apo rasti i kalimit të amendamenteve kushtetuese për reformën në drejtësi, ka ditur të sillet në funksion të stabilitetit dhe interesave të vendit. Gjithsesi, Partia Demokratike pavarësisht axhendës së LSI-së nuk mund të pranojë kurrsesi të futet në zgjedhje me Edi Ramën kryeministër sepse nuk ka asnjë garanci për zgjedhje të lira dhe të ndershme?, tha ish-ministri në një prononcim për gazetën ?Sot?.

 





Lajmet e fundit nga