web counter
LEXO PA REKLAMA!

SHKARKO APP

App Store
Google Play

Nënshkruhet marrëveshja për privatizimin e INSIG

27 Maj 2016, 20:20, Aktualitet CNA

Ministria e Financave ka nënshkruar sot marrëveshjen për privatizimin e kompanisë INSIG, aksionet e së cilës i kanë kaluar grupit Eurosig. Në fjalën e tij në ceremoninë e nënshkrimit të marrëveshjes, Ministri i Financave Arben Ahmetaj ka deklaruar se kompania e esigurimeve ?INSIG? do të rigjallërojë veten, tregun vendas dhe tregun rajonal.

“Nga ana ime, personale si ministër Financash kam pasur fatin që ta nis procesin, në 2015 si ministër Ekonomie dhe kam pasur fatin ta mbyll procesin me shitjen si ministër Financash në 2016. Me një shifër, të jem i sinqertë nuk e prisja, shumë pozotive, prej 2.2 mld lekë, të cilat shkojnë në buxhet të shtetit, gjysma e tyre ul borxhin publik për atë shumë dhe gjysma tjetër kam kënaqësinë ta ndaj me ju, shkon e gjitha për vazhdimin e punës së ndërtimit të unazës së madhe të Tiranës, që besoj se në përfundimin e saj do të përdoret nga të paktën 700 mijë banorë jo vetëm të Tiranës, por dhe të zonave përreth.” tha në fjalën e tij Ministri Ahmetaj.

Më tej ai shtoi se privatizimi tregon besimin që sipërmarrja ka tek ekonomia shqiptare. “Privatizimi tregon besimin që sipërmarrja ka tek ekonomia shqiptare, që sipërmarrja shqiptare ka tek ekonomia shqiptare, sepse Kadriu  është i mençur që të mos blejë diçka pa vlerë. Nuk mbaj mend që të ketë blerë ndonjë gjë pa vlerë, ka blerë ?Insigun? jo thjesht se ?Insigu? ka vlerë dhe sigurisht që ka vlerë, por sepse e ardhmja e ekonomisë shqiptare është e garantuar dhe ai aty sheh veten.” përfundoi Ahmetaj.

Ndërsa përfaqësuesi i Eurosig tha se klientët do të kenë shërbime më të avancuara. ?Ju garantoj që INSIG-u do të jetë i madh dhe i sigurtë me të gjithë punonjësit që janë aktualisht do të vazhdojnë punën të qetë, vetëm me një kërkesë më të madhe llogarie ndoshta. Garantoj klientët se për 25 vite do të jetë pranë tyre me shërbime edhe më të avancuara?, u shpreh Kadri Morina, përfaqësues i Eurosig.





Lajmet e fundit nga