web counter
LEXO PA REKLAMA!

SHKARKO APP

App Store
Google Play

Përfaqësuesi i Ambasadës Amerikane/ Prokurorët dhe gjykatësit të hetojnë dhe ndëshkojnë zyrtarët e korruptuar

27 Maj 2016, 16:44, Aktualitet CNA

Shefi i Zyrës së Marrëdhënieve me Publikun në Ambasadën Amerikane, Ryan Roberts ka deklaruar se prokurorët dhe gjykatësit duhet të bëjnë pjesën e tyre duke hetuar akuzat dhe ndëshkuar zyrtarët e korruptuar. I pranishëm në aktivitetin ?Aktivizmi Rinor kundër Korrupsionit?, Roberts shtoi se organizatat e shoqërisë civile, mediat dhe qytetarët e zakonshëm janë gjithashtu shumë të rëndësishëm për të sfiduar korrupsionin.

“Një student shqiptar më tha se një nga mësuesit në shkollë i kërkoi mikut të tij të paguajë një rryshfet. Ai dhe miku i tij gjetën një mënyrë për ta rregjistruar në video mësuesin duke kërkuar para dhe mësuesi u pushua nga puna. Ky djalë i ri, ashtu si të gjithë ju, jo vetëm që kishte bindjen për të bërë atë që është e drejtë, por ai e kishte dhe guximin për t?ju kundërvënë njerëzve që ishin më të fuqishëm se ai. Korrupsioni është një sëmundje që dëmton shoqërinë, ekonominë dhe sigurinë në mënyra nga më të ndryshmet. Prokurorët dhe gjykatësit duhet të bëjnë pjesën e tyre duke hetuar akuzat dhe ndëshkuar zyrtarët e korruptuar. Por nxënësit, organizatat e shoqërisë civile, mediat dhe qytetarët e zakonshëm janë gjithashtu shumë të rëndësishëm për të sfiduar këtë situatë dhe për t?i dhënë fund praktikave korruptive.? ka përfunduar Shefi i Zyrës së Marrëdhënieve me Publikun Ryan Roberts.





Lajmet e fundit nga