web counter
LEXO PA REKLAMA!

SHKARKO APP

App Store
Google Play

Shmangia e dekriminalizimit, kryetari model i Ramës u thotë gjermanëve e kam emrin Elvis Ervin Roshi

27 Maj 2016, 13:41, Aktualitet CNA

Partia Demokratike ka denoncuar sot truket e përdorura nga krybashkiaku i Kavajës, Elvis Roshi për ti shpëtuar procesit të dekriminalizmit. Përmes një deklarate për shtyp, PD shprehet se Roshi i ka kërkuar autoriteteve gjermane të vërtetojë se nuk ka qenë i dënuar me emrin Elvis-Ervin Roshi.

“Selia blu” thekson se Roshi duhet ti drejtohet autoriteteve gjermane  me emrin Ervin Roshi që ka pasur deri në vitin 2002, siç e pranon edhe vetë në formularin e vetëdeklarimit, kur dhe është dëbuar nga gjykata.

Deklarata e PD

Jemi sot këtu për të denoncuar truket sa kriminale dhe qesharake që përdorin të zgjedhurit e Edi Ramës për ti shpëtuar dekriminalizimit.

Kemi dëgjuar shumë variante për emrin e kryetarit të Bashkisë së Kavajës, por së fundmi, ai ka nxjerrë një të ri, ku i ka përmbledhur gjithë identitetet në një, duke iu drejtuar autoriteteve gjermane.

Në këtë shkresë, i zgjedhuri i Ramës e ka emrin Elvis-Ervin. Mbiemri mbetet po ai, Roshi.

Pra Roshi i Ramës, i thotë autoriteteve gjermane, të japin të dhëna për Elvis Ervin Roshin. Sigurisht, me këtë emër të sajuar, atij nuk i del asgjë.

Pse kryetari model i Edi Ramës, nuk i drejtohet autoriteteve gjermane me emrin Ervin Roshi që ka pasur deri në vitin 2002, siç e pranon edhe vetë në formularin e vetëdeklarimit, kur dhe është dëbuar nga gjykata.

Ndërkohë që ne presim të dhëna të tjera, nga vende të tjera të Europës për Roshin e Ramës, prokuroria duhet të veprojë me shpejtësi në zbatim të ligjit të dekriminalizimit, për të verifikuar fshehjen e të dhënave dhe truket e manipulimet e tjera që ky dhe të tjerë të zgjedhur të Edi Ramës po përdorin për të shmangur ligjin.

Dekriminalizimi është i pashmangshëm. Pastrimi i politikës nga krimi dhe të inkriminuarit do të bëhet, me çdo kusht e me çdo mjet.





Lajmet e fundit nga