web counter
LEXO PA REKLAMA!

SHKARKO APP

App Store
Google Play

E fundit!

x

Fier/ Gjobë 20 mijë euro, arrestohet vëllai i Lul Cakës

27 Maj 2016, 18:52, Aktualitet CNA

Policia e Fierit ka bërë të mundur arrestimin e vëllait i Lul Cakës, Julian Caka pasi akuzohet për gjobëvënie dhe trafik lëndësh narkotike. Lulzim Caka është një nga krerët e bandave kriminale që ka vepruar në Shqipëri, kryesisht në zonën e Beratit, Fierit dhe Lushnjës, gjatë viteve 1995-2000, i akuzuar për vrasje për shkak të cilësive të veçanta.

Burime nga policia lokale bëjnë me dije se në kuadër të operacionit të koduar “Bashkëpunimi”, blutë e Fierit kanë arrestuar 2 persona, ndërsa kanë shpallur në kërkim një tjetër. Mësohet se në prangat e policisë kanë rënë shtetasit:

Julian Caka, 41 vjeç, lindur ne Stamaticë, Berat dhe banues në fshatin Koçaj, Lushnjë, i dënuar më parë për vrasje;

Gentian Kica, 39 vjeç, lindur dhe banues në Fier.

Ndërsa u bë shpallja në kërkim e shtetasit: Kelmend Kastrati, 31 vjeç lindur e banues në Fier.

Sipas policisë këta tre shtetas në bashkëpunim me njëri-tjetrin, janë marrë me trafikim të lëndëve narkotike dhe për ketë arsye kanë shtrënguar për dhënie pasurie duke i vënë gjobë 20.000 euro shtetasin A.B. Gjatë zhvillimit të hetimit me metoda speciale, u bë e mundur sigurimi provave materiale, sekuestrimi i 12 aparateve telefonik celular dhe disa pamjeve filmike.

Materialet iu referuan Prokurorisë për Krimet e Renda Tirane për kryerjen e veprave penale ?Shtrëngimi me anë të kanosjes ose dhunës për dhënien e pasurisë?, ?Trafikimi i narkotikëve? dhe ?Sigurimi i kushteve e mjeteve për vrasje?, vepra penale të parashikuar nga nenet 109/b, 283/a; 80 dhe 25 te Kodit Penal.





Lajmet e fundit nga