web counter
LEXO PA REKLAMA!

SHKARKO APP

App Store
Google Play

Aksidenti në Durrës/ Sadri Abazi refuzoi të dorëzonte dokumentat, telefonoi Tahirin

27 Maj 2016, 18:39, Aktualitet CNA

Partia Demokratike ka deklaruar se deputeti socialist ka tentuar të fshehë aksidentin e ndodhur sot në Durrës, ku ai përplasi një fëmijë. Përmes një deklarate për mediat, selia blu shton se sipas dëshmitarëve deputeti socialist ka refuzuar të dorëzojë tek unifomat blu dokumentat e automjetit, dhe ka marrë në telefon Saimir Tahirin.

“Kjo është sjellja tipike e një horri, e një halabaku deputet, që Edi Rama i ka dhënë tendera, miliarda lekë, leje ndërtimi, e leje për të ndërtuar pa leje, i cili ndihet aq i pushtetshëm sa të fshehë dhe aksidentet që bën në rrugë. Poshtërsia shkon edhe më larg, kur tentojnë ta paraqesin sikur fëmija ka përplasur makinën e Sadriut dhe madje i ka shkaktuar atij dëme.” thuhet më tej në deklaratën e selisë blu.

Në reagimin e Partisë Demokratike shtohet se emri i deputetit socialist është vendosur qëllimisht me iniciale në deklaratën e Policisë së Durrësit.

“Policia nga ana tjetër nxjerr një deklaratë ku nuk i përmend deputetit as emrin, por inicialet A.S, ndërkohë që e njëjta polici, ndalon, gjobit, dhe arreston drejtues mjetesh për shkelje shumë të vogla se një aksident, madje mezi pret të publikojë emrat e qytetarëve që i kap në kundravajtje.

Sadriu ia del të detyrojë edhe të atin e fëmijës, të dalë e të thotë publikisht se ishte faji i tij, jo i oligarkut. Me këtë soj e ndan dhe e ushtron Edi Rama pushtetin, që krekoset pastaj dhe në parlament dhe kërcënon deputetët e opozitës me fjalë banale e neveritëse. Të tjerët pastaj që përplas në rrugë me makinë, nuk i llogaritet fare. Koha e maskarenjve është drejt fundit. Koha e oligarkëve po mbaron. Qytetarët shumë shpejt do të rikthejnë ligjin dhe drejtësinë në vend.” përfundon deklarata e Partisë Demokratike.





Lajmet e fundit nga