E fundit!

08:13 Kosova & Bota

Britania planifikon kufizime gjatë natës në rrjetet sociale për adoleshentët

Qeveria britanike ka njoftuar plane për të vendosur kufizi...

“Një grup i Ramës në PS do ta shohë PD-në jashtë Parlamentit”

27 Maj 2016, 19:30, Aktualitet CNA

Nënkryetari i PD-së, Edmond Spaho është shprehur se një grup i Kryeministrit Edi Rama do t’i shohë deputetët demokratë jashtë parlamentit. Këtë deklaratë Spaho e bëri pas përjashtimit të ish-Kryeministrit Sali Berisha 10 ditë nga punimet e Kuvendit.

“Nuk është se prisja ndonjë vendim ndryshe nga ajo që ishte formuluar ne kërkese, me mekanizmin e votave që kanë në Byro dihet përfundimi i mbledhjes. Por unë theksova se gjithçka që është cituar dje nga ish kryeministri Berisha në seancë, kanë qënë akuza me karakter politik që i janë drejtuar direkt kryeministrit të cilat prisnin përgjigje por që kryeministri i bëri bisht. Eshtë e disata herë që ndodhemi në një situatë të tillë. Mendoj që është kthyer për të qeshur e për të qarë pasi po të jesh deputet me lidhje me krimin, kontrabandist, trafikant apo të jesh zhvatës i fondeve publike konsiderohesh i nderuar, respektohesh dhe ke vend në Parlament.” është shprehur Spaho.

Nënkryetari i demokratëve shtoi se deputeti Sadri Abazi trajtohet si “trim” për kërcënimin që i bërit deputetit demokrat Sherefedin Shehu në seancën parlamentare, ndërsa përdoret një standart tjetër për deklaratën e Berishës.

“Gjithashtu nëse ke kontribuar në ngritjen e një Kuvendit të tillë dhe jo vetëm Kuvendi por edhe të organeve të qeverisjes vendore, po të kesh vendosur drejtues që i përkasin këtij grupi individësh që përmenda më sipër, konsiderohesh drejtues i zoti e madje të atribuohet merita e shtetformimit, po krijon shtet. Pavarësisht se ky mund të jetë shteti i horrave. Në të kundërt, po qe se demaskon prezencën e këtyre individëve në Kuvendin e Shqipërisë apo në nivele të ndryshme të pushtetit vendor, përjashtohesh nga Kuvendi me argumentin se është shkelur Kodi i Etikës. Dhe kjo lloj etike dominoka mbi prezencën e individëve me rekorde të tilla kriminale. Përshembull në Kuvend mund ti drejtohesh kolegut e ti thuash ?ti ha veshët?, e në këtë rast konsiderohesh burrë i mirë e madje trim. E nëse ndokush do ngrihet dhe do të thotë se kemi individë që bejnë të tilla kërcënime rrezikon të përjashtohesh nga Kuvendi për shkelje të Kodit të Etikës, e madje të përfundosh i sulmuar në ndonjë qoshe të Tiranës. Më është krijuar bindja pasi është e disata herë që sapo i afrohemi momentit të votimit të Reformës në Drejtësi, një grup brenda PS-së është i interesuar që ta shohë PD-në jashtë parlamentit dhe ndaj ndërmarrin iniciativa të tilla që realizohen lehtësisht me mekanizmin e votës që kanë në Byronë e Kuvendit.” përfundoi Spaho.