Shënim/ Pse Lulzim Basha duhet të bëjë zgjedhje në Shkodër?

4 Maj 2016, 18:40, Aktualitet CNA

Partia Demokratike ka filluar fushatën e çorganizuar të organizimit përmes një urdhri dhe vendimi absurd e banal. Kjo për faktin se Lulzim Basha nuk ka pasur një raport të qartë në lidhje me vendimin për riorganizimin e Partisë Demokratike.

Në fakt ajo që duket si riorganizim i pjesshëm është një shkaktisje në të gjitha qarqet e Shqipërisë. Nuk duket të ketë një kriter të qartë që Lulzim Basha dhe sekretarët e tij të organizimit të jenë mbështetur për këtë riorganizim të PD-së, i cili më shumë se kaq duket një lëmsh. Kjo pasi aty ku është fituar dhe s?ka ndarje territoriale zhvillohen zgjedhje dhe ndahet dega, diku tjetër nuk zhvillohet riorganizim edhe pse kemi të bëjmë me zbatim të reformës territoriale. Një lëmsh i Bashës që është ngatërruar edhe më keq për shkak të raporteve të Bozdos dhe Ristanit.

Një nga rastet specifike që ka të gjitha motivet pse duhet të bëhen zgjedhje është Shkodra. ndarja

Dega e PD-së në Shkodër është simbol i Partisë Demokratike dje, kurse sot fatkeqësisht edhe pse u fitua Bashkia në zgjedhjet e fundit, rezulton të mos jetë aty ku ka pasur vend dhe vlerat qytetaria shkodrane.

Partia Demokratike për këtë qark është e ndarë në degën e Vaut të Dejës dhe në atë të Shkodrës qytet, sipas Nenit 4 të Statutit të PD-së. Në Vaun e Dejës do të zhvillohen zgjedhje sepse është njësi e re, ndërkohë në degën e qytetit nuk do të kryhet ky proces. Në qytet ka filluar ironia dhe tallja. Zgjedhjet në PD nuk i kanë shpëtuar humorit karakteristik shkodran. ?PD-ja e Shkodrës është më para Çekosllovakisë? tha një demokrat për citynews. Përmes kësaj batute merret shembulli i ndarjes së Çekisë dhe Sllovakisë, ku më pas u zhvilluan zgjedhje për dy presidentët e rinj të dy shteteve të ndarë.

Ky humor është tallje që i bëhet vendimit të PD-së për të zhvilluar zgjedhje të pjesshme pa një kriter specifik.

Një arsye pse duhet të zhvillohen zgjedhje në PD-në e Shkodrës është 2 Prilli, dita kur Lulzim Basha mblodhi basha shkoder 2 prill Këshillin Kombëtar dhe deputetët demokratë në Shkodër, ku dështoi për të startuar fushatën për zgjedhje. Bojkoti i qytetarisë shkodrane dhe demokratët e Shkodrës ishin leksioni që dega e PD-së së Shkodrës mesa duket nuk e ka kuptuar. Kjo ishte shenja e fortë se Kryetari Lulzim Bsha duhet të ndërhynte, sepse 2 Prilli shprehu pakënaqësitë për drejtimin e PD-së, por edhe ndaj Bashkisë dhe drejtimit të saj.

Shkodra është ndryshe, ajo nuk është si qytetet e tjera. Shkodra të ?vret? edhe me indiferencën e saj. Mjaftojnë këto dy fakte, njëri statutor dhe tjetri publik, që Lulzim Basha të ndërhyjë për të dhënë atë që meriton bastionit të demokracisë, e cila nuk është si torta e shëmtuar që po gatuhet nga PD-ja./citynews