web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet Alban Trimi, efektivi që ishte ulur në tavolinë me Elton Çiçon

4 Maj 2016, 17:22, Aktualitet CNA

Shërbimi për Çështjet e Brendshme në Ministrinë e Brendshme dhe Prokuroria kanë bërë të mundur arrestimin e efektivit Alban Trimi, i cili ishte i ulur në tavolinë me Elton Çiço në momentin e vrasjes së këtij të fundit. Burimet bëjnë me dije se arrestimi i tij është kryer para pak minutash. Ndërkohë mësohet se efektivi me detyre oficer policie pranë Komisariatit Nr.5 në Tiranë akuzohet se ka kryer veprime për pengim të zbardhjes së vërtetës së vrasjes së 36-vjeçarit mbrëmjen e së dielës.

Dy ditë më parë citynews raportoi informacione lidhur me oficerin Alban Trimi. Sipas policisë, gazetari Spartak Koka ka qenë nën shoqërinë e oficerit të policisë Alban Trimit dhe më pas në tavolinë janë bashkuar edhe dy persona të tjerë, njëri prej të cilëve viktima Elton Çiço.

Alban Trimi është oficer policie, ish shef i antidrogës, i lëvizur nga kjo detyrë në janar të vitit 2013 duke e transferuar në drejtorinë e policisë të Qarkut Kukës. Prej disa ditësh, Trimi kishte mundur të siguronte rikthimin e tij në kryeqytet. Ai tashmë kishte marrë detyrën si inspektor në komisariatin nr.5 në Kamëz. Alban Trimi, sipas policisë njihej me mikun e viktimës. Kjo ishte arsyeja që ata iu bashkuan tavolinës. Të gjitha detajet e dhëna përpara grupit hetimor tregojnë se gazetari Koka dhe Alban Trimi janë miq, por gazetari nuk i njihte dy personat e tjerë.

Më poshtë po sjellim disa foto të oficerit të policisë të pranishëm në ngjarje, midis tyre dhe një me gazetarin e kronikës në Tv Klan, Spartak Koka./citynews  





Lajmet e fundit nga