E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Reforma në Drejtësi/ Vasili: LSI do të votojë draftin e përgatitur nga ekspertët e EURALIUS-it dhe OPDAT-it

4 Maj 2016, 15:55, Aktualitet CNA

Kryetari i Grupit Parlamentar të LSI-së, Petrit Vasili, tha pas mbledhjes së Komisioni për Reformën në Drejtësi se LSI është e gatshme të votojë reformën sipas ekspertëve të EURALIUS dhe OPDAT. Në një prononcim për mediat, Vasili u shpreh se është humbur shumë kohë dhe për këtë arsye të hënën, të gjithë duhet të miratojmë në parim këtë draft.

“Mendoj që sot kemi pasur një ditë të rëndësishme të Komisionit për Reformën në Drejtësi, pasi patëm në tavolinë draftin tashmë të përpunuar dhe të ripunuar nga ekspertët e EURALIUS dhe OPDAT, draftit tashmë të Komisionit të Venecias dhe mendoj që ky është një moment shumë i rëndësishëm, moment zhvillimi. Pra, që i jep Reformës në Drejtësi një hapësirë të re, pasi kemi një draft që është hartuar nga profesionistë dhe institucione që përfaqësojnë BE-në dhe SHBA-të mbi themelin e punës shumë të madhe të Komisionit të Venecias e që tejkalon në mënyrë të qartë mosbesimin karakteristik që politika shqiptare ka ushqyer për vite me radhë.” tha Vasili

Më tej ai u shpreh: “Kemi një produkt tërësisht i paanshëm, por edhe profesionalisht shumë solid, dhe një produkt i cili hap rrugën përsa i takon ndryshimeve kushtetuese për të ecur sa më shpejt përpara. Sigurisht që miratimi në parim është një çështje që besoj se nuk ka nevojë të diskutohet më. Pra miratimi në parim i këtij drafti është i konfirmuar përsa i takon LSI-së dhe mendoj që kjo frymë, pra e të ecurit sa më shpejt me këtë reformë, është edhe fryma që duhet të na karakterizojë. Është humbur shumë kohë, nuk mund të humbet kohë më tej, pasi dihet qartë që ky draft, kjo reformë është e lidhur dhe me fatin e integrimit evropian të Shqipërisë, që ka limite, ka afate kohe shumë të çmuara ashtu sikurse ambasadorja Vlahutin pati mirësinë t?i sqarojë komisionit. Në këtë mënyrë nuk na pret gjë tjetër që të hënën, besoj pa asnjë hezitim të gjithë duhet të miratojmë në parim këtë draft”