web counter
LEXO PA REKLAMA!

SHKARKO APP

App Store
Google Play

E fundit!

x

Sirianët e parë mbërrijnë në Shqipëri/ 16 prej tyre kapen në Korçë

4 Maj 2016, 15:04, Aktualitet CNA

Siç ishte paralajmëruar, Shqipëria është përfshirë nga vala e emigrantëve sirianë. Sot, në orën 13:00 në Stacionin e Policisë Kufitare Kapshticë, nga patrulla e shërbimit pranë fshatit Vërnik, rrethi Devoll, në drejtim të piramidave I ? 24 dhe I ? 25,u kapen 16 shtetas Sirianë. Nga këta 4 meshkuj, 3 femra, dhe 9 femijë midis tyre dhe një foshnjë 2-muajshe.

Burime nga vendngjarja thanë për citynews se rreth 4 prej shtetasve sirianë ndodhen në spital për shkak të ecjes së gjatë që kanë kryer për të mbërritur në Shqipëri.

Shtetasit sirianë mendohet të kenë ecur rreth 15 orë për të mbërritur në kufirin shqiptar. Një numër i madh prej sirianësh ndodhen në Greqi në pritje të hapjes së kufijve për të vërshuar në Shqipëri dhe më pas në vendet e Bashkimit Europian.

Korça është qyteti më i rrezikuar për vërshimin e refugjatëve. Qeveria përgatiti në fund të vitit 2015 ish-repartin ushtarak që ndodhet në Kapshticë.

Një muaj më parë, dy mijë refugjatë kaluan kufirin mes Greqisë dhe Maqedonisë pavarësisht mbylljes së tyre nga ana e Shkupit. Të nisur nga qendra e pritjes greke në Idomeni ata ecën në këmbë drejt një pike ku ndodhet dhe barrikada që ndan dy vendet.

Vala e refugjatëve sirianë në Shqipëri sapo ka filluar, por qeveria nuk duket se ka një plan konkret për menaxhimin e tyre.





Lajmet e fundit nga