web counter
LEXO PA REKLAMA!

SHKARKO APP

App Store
Google Play

Ja cilat janë shtetet ku kosovarët do udhëtojnë pa viza

4 Maj 2016, 20:04, Aktualitet CNA

Ministri i Integrimit Evropian të Kosovës, Bekim Çollaku është shprehur se kosovarët mund të fillojnë lëvizjen e lirë në zonën Shengen duke filluar që nga muaji korrrik. Ai ka shtuar se ka edhe disa procedura që duhet ndjekur pas lajmit të mirë që mori Kosova sot, ku Komisioni Evropian ka rekomanduar heqjen e vizave.

Por, kush e përbën zonën Shengen? Në cilat shtete do të mund të lëvizin lirshëm kosovarët pas heqjes së vizave?

Zona Shengen tani mbulon 26 vende evropiane, 22 nga të cilat janë anëtare të BE-së dhe 4 jo-anëtarë: Islanda, Lihtenshtajni, Norvegjia dhe Zvicra.

Mbretëria e Bashkuar dhe Irlanda nuk kanë dashur të pranojnë heqjen e plotë të kontrolleve kufitare në hyrje të vendeve të tyre, dhe kështu kanë hequr dorë përfundimisht nga zbatimi i marrëveshjes. Katër anëtaret e reja ? Bullgaria, Rumania, Qipro dhe Kroacia ? aktualisht nuk janë pjesë e zonës Shengen, por janë të detyruara t?i bashkohen zonës së Shengenit në të ardhmen.

Kjo do të thotë se kosovarët do të mund të lëvizin pa viza në këto shtete: Austri, Belgjikë, Çeki, Danimarkë, Estoni, Finlandë, Gjermani, Greqi, Hungari, Islandë, Itali, Letoni, Francë, Lihtenshtajn, Lituani, Luksemburg, Maltë, Holandë, Norvegji, Poloni, Portugali, Sllovaki, Slloveni, Spanjë, Suedi, Zvicër.

Por, mbetet e paqartë nëse kosovarët do të mund të udhëtojnë në vendet si Spanja, që jo vetëm nuk e kanë njohur Kosovën si shtet, por as nuk e kanë pranuar pasaportën e Kosovës.





Lajmet e fundit nga