web counter
LEXO PA REKLAMA!

SHKARKO APP

App Store
Google Play

Akuzat për grabitjen e 25 mln euro/ Bojaxhi: Ja kush e mori vendimin

4 Maj 2016, 19:37, Aktualitet CNA

Gjergj Bojaxhi ka reaguar lidhur me akuzat e biznesmenit nga Vlora, Sulo Shehu. Ky i fundit ka deklaruar se Bojaxhi i ka grabitur një prone prej 30 mijë metrash katrorë me vlerë të përllogaritur në rreth 25 milionë euro. Në një reagim të shoqëruar me dokumenta, Bojaxhi ka hedhur poshtë akuzat. Ai deklaron se vendimi është marrë nga Ministria e Drejtësisë përmes Agjensisë së Kthimit dhe Kompensimit të Pronave, ndërsa shton se nuk ka qënë vendimarrje e Ministrisë së Ekonomisë.

Reagimi i plotë i Gjergj Bojaxhi

Të nderuar miq,

Menjëherë pas përhapjes së lajmit të krijimit të një force të re politike në të cilën jam përfshirë bashkë me shumë qytetarë të tjerë, ka nisur një fushatë e organizuar shpifjesh e akuzash nga drejtime të ndryshme.

Këto sulme kanë vetëm një qëllim: të dekurajojnë këtë nismë të re politike që rrezikon monopolin e atyre që po e vjedhin dhe rrënojnë vendin çdo ditë e më tepër.

Ne nuk tërhiqemi.

Nuk presim qytetari e ndershmëri nga hajdutët e vendit. Por u kujtojmë gazetarëve se ky vend nuk është vetëm i disa qindra njerëzve që po përpiqen t?a ndryshojnë, por edhe i tyre dhe i fëmijëve të tyre. Çdo shqiptar le të përballet sot me ndërgjegjen e tij dhe të zgjedhë mes skllavërisë ndaj partive dhe dinjitetit.

Përsa i përket sulmit të rradhës, siç dëshmojnë edhe dokumentet, pretendimet e biznesmenit spekulant bien poshtë sepse vendimi është marrë nga Ministria e Drejtësisë përmes Agjensisë së Kthimit dhe Kompensimit të Pronave. Kjo jo vetëm nuk ka qënë vendimarrje e Ministrisë së Ekonomisë por as nuk kam qënë në rolin e zv/Ministrit në atë kohë.

Siç shihet në dokumentin bashkëngjitur, pronësia e truallit që ka blerë biznesmeni spekulant është bërë e pavlefshme nga ky vendim. Avokati i Shtetit përfaqësuar nga z. Artan Kodheli dhe Bashkia Vlorë përfaqësuarnga z. Shpëtim Gjika kanë qënë ankimuesit në mënyrë që këto prona ti ktheheshin shtetit.

Për dokumentat e plota mund te klikoni linkun:https://www.sendspace.com/file/8k8vwm

Ju faleminderit
Gjergj Bojaxhi





Lajmet e fundit nga