E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ilir Beqaj sulmon “Panoramën”

17 Prill 2016, 17:23, Aktualitet CNA

Ministri i Shëndetësisë, Ilir Beqaj ka sulmuar gazetën “Panorama” në versionin online, lidhur me një shkrim të botuar nga kjo e fundit. Përmes një deklarate për mediat, Beqaj e ka konsideruar të pavërtetë një lajm për vonesën ambulancës.

Deklarata e plotë për mediat

E vërteta për shkrimin e botuar te Panorama Online për shërbimin e urgjencës mjekësore

Autoambulancës i janë dashur më pak se 10 minuta dhe jo 45 minuta siç pretendohet në shkrim

NJOFTIM PËR MEDIA

Në shkrimin me titull ?FOTO/ Një person i shtrirë në rrugë, ambulanca vonon mbi 45 minuta,? të botuar sot (17/04/2016) në portalin ?Panorama Online? pretendohet se janë dashur më shumë se 45 minuta që autoambulanca të mbërrijë për t?i ardhur në ndihmë një personi që ka pasur nevojë për shërbimin e urgjencës mjekësore, duke i?u referuar postimit në rrjetet sociale të gazetares J. Mançellari, e cila citohet të ketë shprehur indinjatën e saj për moskorrektesën dhe papërgjegjshmërinë me të cilën funksionon, sipas saj, sistemi shëndetësor në vendin tonë.

E vërteta është krejt ndryshe.

Siç edhe mund të verifikohet fare lehtësisht nga dokumentacioni i shërbimit të urgjencës dhe regjistrimi elektronik i aktivitetit të lëvizjes në terren të autoambulancës ?TR 9917 K Urgjenca Tiranë?, thirrja për t?i ardhur në ndihmë personit në nevojë është marrë nga centrali i shërbimit të urgjencës mjekësore në orën 10:27 dhe orari i mbërritjes së autoambulancës te vendodhja e personit në nevojë shënon kohën 10:37, dhe orari i mbërritjes në spital shënon orën 10:42.

Pra, siç mund të shihet qartësisht, autoambulancës i janë dashur më pak se 10 minuta, dhe jo 45 minuta siç pretendohet në shkrimin e sipërpërmendur, për të mbërritur në vendodhjen e personit në nevojë pas marrjes së thirrjes.

Bashkëlidhur njoftimit, do të mund të gjeni kopje elektronike të praktikës së gjurmimit me sistemin GPS të instaluar brenda autoambulancës për rastin në fjalë.

Përsa i përket funksionimit dhe asaj çfarë kemi arritur të bëjmë për shërbimin e urgjencës mjekësore në këto 135 javë në detyrë, është rasti për të kujtuar se për herë të parë miratuan një ligj të ri për krijimin e Shërbimit Kombëtar të Urgjencës, shërbim i munguar prej kohësh, i cili filloi funksionimin këtë vit.

Rritëm ndjeshëm kapacitetet e ofrimit të shërbimit të urgjencës mjekësore me 20 autoambulanca të reja dhe i shtuam 1 helikopter të ri flotës së urgjencës mjekësore.

Hapëm, ashtu siç premtuam, kantierin e shëndetësisë dhe sot kemi shërbim të ri urgjence në spitalin rajonal të Vlorës dhe në spitalin rajonal të Kukësit. Gjithashtu, janë në proces edhe projektet e përmirësimi të urgjencës në spitalet tona bregdetare Shkodër, Lezhë, Durrës, Vlorë dhe Sarandë, që do të ndihmojnë për t?iu përgjigjur më mirë nevoja në rritje të sektorit të turizimit.
Po ashtu, për vitin e tretë rradhazi, ngremë 25 qendra shëndetësore për urgjencës mjekësore për sezonin turistik, ku shtohen 3 të reja nga 22 që ishin dy vitet e kaluara.

Ndërkohë që viti 2016 do të jetë sigurisht viti i një përmirësimi të thellë në shërbimin e urgjencave mjekesore, pasi në shërbimin spitalor të të gjitha niveleve do të shtohet personel mjekësor dhe mbështetës me qëllim që të rritet ndjeshëm prezenca në territor e flotës së autoambulancave si dhe të ulet ndjeshëm koha e përgjigjes për cdo thirrje për urgjencë. Ky përmirësim mbështetet me nje fond shtesë prej rreth 415 milionë lekë për personel mjekësor dhe ndihmës, barna e materiale mjekësore, shpenzime transporti, etj.

Me investimet kapitale do të përfundojë në fillim të qershorit edhe ngritja e Qendrës së Urgjencës Kombëtare si dhe do të vihet në funksionim sistemi i komandës dhe kontrollit, me një investim prej 344 milionë lekësh në 2016 (godinë, pajisje teknologjike dhe sistemi dispatch i qendrës së komandës dhe kontrollit).