LEXO PA REKLAMA!

SHKARKO APP

Gjendet një çift i vdekur brenda në bunker

17 Prill 2016, 10:18, Aktualitet CNA

Dy persona janë gjetur të pajetë brenda një bunkeri tek Qafa e Mejdanit në Tropojë.

Mësohet se viktimat janë një cift, por ende nuk dihen shkaqet e vdekjes dhe  identiteti i tyre. Policia sqaroi se eshtrat i përkasin një mashkulli dhe një femre.

Policia ka shkuar në vendngjarje dhe ka nisur menjëherë hetimin për zbardhjen e vdekjes të dy personave.

“Sot më datë 17.04.2016, në vendin e quajtur “Roga e Kermes”, fshati Mejdan, Bashkia Tropoje, rreth 100 m larg rruges nacionale, në një vend të pyllëzuar, të pergatitur për pushim, janë gjetur dy kufoma të skeletuara, të veshura me rroba sportive. Nga veprimet hetimore të deritanishme, rezulton se skeletet dhe rrobat janë të pa dëmtuara me armë zjarri apo mjete të tjera. Deri tani nuk është bërë e mundur identifikimi i tyre. Provat materiale të sekuestruara në vendngjarje, janë dërguar për ekzaminime të metejshme, prova te cilat do të ndihmojnë në identifikimin e kufomave dhe shkakun e vdekjes.”

Lajmet e fundit nga