E fundit!

07:30 Horoskopi

Horoskopi i ditës, e mërkurë 15 korrik 2026

Dashi Ruani qetësinë në marrëdhënie dhe shmangni reagimet...

Pas Asamblesë nis zgjedhja e krerëve të PS në rrethe/ Kandidatët do i nënshtrohen dekriminalizimit

17 Prill 2016, 07:28, Aktualitet CNA

Pas përfundimit të mbledhjes së Asamblesë Kombëtare të PS, e cila do të zgjedhë kryesinë dhe sekretariatet, do nisë puna për zgjedhjen e kryetarëve të degëve në rrethe. Në ditë në vijim kryeministri Edi Rama pritet të nxjerr një udhëzim të ri, i cili përcakton kushtet dhe kriteret që duhet të plotësojnë kandidatët që garojnë për postin e kryetarit të PS së rrethit.

Pak kohë më parë Rama nxori një udhëzim, por duke qenë se procesi u zvarrit dhe kanë kaluar shumë muaj, do të ketë një udhëzim të ri, më shumë për aspektin procedural. Gazeta ?Sot? shkruan se , në udhëzim pritet të përcaktohet që kandidatët t?i nënshtrohen procesit të dekriminalizimit dhe se ata individë që janë me precedentë penalë nuk duhet të marrin guximin të shpallin ambicien për postin e kryetarit.

Në garë nuk duhet të jenë më shumë se dy-tre kandidatura për postin e kryetarit, në mënyrë që procesi për verifikimin e kandidatëve të kryhet sa më shpejt. Kandidatët, sipas ligjit, duhet të plotësojnë formularin e vetëdeklarimit për dekriminalizimin, i cili dorëzohet pranë Partinë Socialiste. Me kërkesë të kryeministrit, prokuroria verifikon kandidatët nëse janë me precedentë penalë dhe të implikuar në vepra penale.

Kryeministri u ka kërkuar deputetëve që, menjëherë pas zgjedhjes së strukturave drejtuese në të gjitha degët e PS, duhet të njoftojnë këto të fundit që të nisin menjëherë me propozimin e kandidatëve, në mënyrë që procesi për zgjedhjen e krerëve të 61 bashkive të përmbyllet brenda qershorit. Aktualisht, pavarësisht se asambletë e rretheve nuk janë konstituuar, underground ka nisur piketimi i kandidatëve për kryetarë.

Koordinatorët së bashku me drejtuesit aktualë të strukturave, po përpiqen të vendosin në vijë garën për kryetarë, duke nisur me përzgjedhjen e kandidaturave. Sigurisht, kandidatët duhet të jenë njerëz pro Ramës dhe të kenë dhënë kontribut për rritjen e së majtës, sidomos në zgjedhjet e fundit.