web counter
LEXO PA REKLAMA!

SHKARKO APP

App Store
Google Play

E fundit!

x

Klodeta Dibra, një kandidate politike për Rektor të Universitetit të Tiranës

16 Prill 2016, 19:17, Aktualitet CNA

Klodeta Dibra është një nga kandidatet në garën për kreun e Rektoratit të Universitetit të Tiranës. Ajo gjithashtu ka udhëhequr listën e kandidatëve për këshilltarë bashkiakë të Partisë Socialiste në Tiranë, në zgjedhjet lokale të vitit 2015.

Pra kemi të bëjmë me një kandidate politike e cila paraqet rrezik për politizimin e Universitetit të Tiranës. Ky i fundit është një institucion publik i arsimit të lartë, i cili moralisht duhet të qendrojë larg politikës.

Për asnjë moment ne nuk mund të hedhim poshtë përgatitjen akademike apo menaxheriale të zonjës Dibra, por fakti se ajo është aktualisht këshilltare e një force politike në Bashkinë e Tiranës, lë një shije të hidhur për vetë sistemin e një institucioni edukimi.

Pavarsisht se kandidimi i saj nuk shkel asnjë ligj të caktuar, garimi i Klodeta Dibrës mund të sjellë jo vetëm politizim të zgjedhjeve, por edhe politizim të Universitetit nëse ajo shpallet fituese e zgjedhjeve që do zhvillohen në 20 Prill.

Ndërkaq, në platformën e saj për këtë garë, një nga pikat e saj vërehet ?bashkëpunimi? me Bashkinë e Tiranës. Bëhet fjalë për krijimin e lehtësirave në jetën Urbane për Studentët. Dibra propozon t?i paraqesë një kërkese Bashkisë së Tiranës, për të mundësuar aksese lehtësuese për studentin përsa i përket transportit publik (pajisje me abone) apo frekuentimit të institucioneve socialkulturore, me çmime të reduktuara.

Klodeta Dibra ndoshta nuk e di, por abone enkas për studentë janë në shitje prej disa vitesh në kryeqytet. Por edhe

sikur kjo të mos ekzistonte, pse zonja Dibra është ?kujtuar? për studentët pikërisht në këtë moment? Pse nuk e ka ngritur këtë çështje në mbledhjet e Këshillit Bashkiak, në cilësinë e Këshilltares e cila përveç kësaj është edhe Dekane e një fakulteti publik?

Të gjitha këto, lënë vend për dyshime se gara dhe situata pas garës, mund të jetë një disavantazh i madh për Universitetin e Tiranës. Duket qarte se Kryeministri Edi Rama pas  ndryshimit të ligjit për Arsimin e Lartë ka pasur qëllim të kënaqë interesat e privatëve dhe të vejë nën kontroll universitetin publik./citynews





Lajmet e fundit nga