web counter
LEXO PA REKLAMA!

SHKARKO APP

App Store
Google Play

Arben Ahmetaj: Nuk do ndryshojmë taksat, lehtësojmë procedurat për bizneset

16 Prill 2016, 17:39, Aktualitet CNA

Ministri i Financave, Arben Ahmetaj ka deklaruar se nuk do të ketë ndryshime taksash, ndërsa shtoi se do të ketë lehtësim procedurash për bizneset. I pranishëm në një takim me autoritetet fiskale të Fierit, Ahmetaj tha se aksioni kundër informalitetit do të vazhdojë dhe përzgjedhja e kontrolleve do të bëhet me bazë kampionesh, si në biznesin e madh ashtu edhe atë të vogël.

Ahmetaj siguroi se asnjëherë nuk synohet të shkohet tek instrumenti final i ligjit për të mbledhur ato me forcën e gjobave.Duke u ndalur tek përmirësimi i klimës së biznesit, kreu i financave publike, i kërkoi sipërmarrjeve rekomandime për lehtësimin e procedurave, pasi paketa fiskale që do të zbatohet në vitin 2017 nuk do të ketë ndryshime taksash. Më tej, ai informoi se kjo paketë fiskale do te jetë gati brenda datës 20 qershor të këtij viti.

?Ne nuk do bëjmë më ndryshime taksash. Edhe akciza e planifikuar në 1 janar nuk do të ketë ndryshim. E vetmja paketë fiskale do të jetë ajo që unë përmenda, përmirësimi i infrastrukturave?, tha Ahmetaj.

Shumë shpejt, tha ai, do të lancojmë një aplikacion i cili do të jetë shumë i thjeshtë edhe në telefonat tuaj, që do të quhet tatimpaguesi dixhital. ?Përmes këtij aplikacioni, nga tel tuaj ju mund të komunikoni me ne, me tatimet, me doganat përmes qendrës operative në Ministrinë e Financave, sipas tre kategorive kryesore që janë sugjerim, pyetje dhe denoncim?, u shpreh ministri.





Lajmet e fundit nga