web counter
LEXO PA REKLAMA!

SHKARKO APP

App Store
Google Play

Emiljano Shullazi kërcënon kandidatin për Rektor

16 Prill 2016, 13:17, Aktualitet CNA

Ish-kryeministri i vendit, Sali Berisha, tha gjatë një bashkëbisedimi me gazetarët se kandidati për Rektor në Universitetin e Tiranës, Mynyr Koni, është kërcënuar nga Emiljano Shullazi. Berisha tha se me urdhër të Edi Ramës, Shullazi i ka kërkuar Konit të tërhiqet nga gara për rektor ose do të rrëmbehet djali. Sipas Berishës, Shullazi ka ndaluar në mes të sheshit ?Nënë Tereza? edhe rektorin aktual Dhori Kule duke e kërcënuar të  mos e mbështesë kandidaturën e Mynyr Konit.

?Emiljano Shullazi ka ndaluar kandidatin për rektor Mynyr Konin. Shullazi i ka kërkuar atij të tërhiqet nga gara ose do ti rrëmbehet djali dhe i thotë se po fole ke kokën. Dje, Koni ka paraqitur dorëheqjen. Banda e Shullazit me tre makina të blinduara ka ndaluar në mes të sheshit ?Nënë Tereza? rektorin aktual Dhori Kule. I kanë kërkuar në mënyrë kërcënuese që ti heqë cdo mbështetje Mynir Konit.?, u shpreh Berisha

Nga zyra e tij, Ish kryeministri tha se burimi i këtij inormacioni, është një akademik brenda Universitetit të Tiranës dhe se ai ka dhënë një informacion 100 % të sigurt. Berisha i bëri thirrje kryeministrit Rama të heqë dorë nga kërcënimet dhe i kërkoi prokurorisë të nis hetimet për këtë rast.

? Burimi është 100 për qind i sigurt. unë nuk do isha këtu para jush, në këto rrethana, besoj unike në planet, ngjarje e tillë nuk ka ndodhur as në ditët më të zeza të diktaturës komuniste. I bëj thirrje kryeministrit të heqë dorë nga kërcënimet sepse nëse i preket 1 fije floku akademikëve, do të jetë ai që do ta paguajë. I bëj thirrje prokurorisë të nisë hetimet për këtë rast?, tha Berisha.





Lajmet e fundit nga