E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Skandali/ Drejtori dhe bordi udhëtojnë në Gjermani dhe Çeki me lekët e qytetarëve (FOTO)

16 Prill 2016, 07:48, Aktualitet CNA

Citynews ka denoncuar ditë pas dite skandalet e Këshillit Mbikëqyrës të Ujësjellës Kanalizime në Pogradec, i cili me urdhër të drejtorit Vlater Gora ka miratuar vendime abuzive me vlerë qindra milionë lekë.

Sot, citynews sjell të tjera vendime abuzive nga drejtori Valter Gora dhe Këshilli Mbikëqyrës, këtë herë nuk ka faqe online 50 milionë, shpërblim 500 milionë në rast se pushohesh nga puna, por drejtori dhe bordi kanë nxjerrë dy vendime për të shëtitur rrugëve të europës.

Më datë 19 nëntor 2015, Këshilli ka miratuar fondin për udhëtimin e punës në Çeki dhe Gjermani. Vendimi është miratuar unanimisht nga të gjithë anëtarët e Këshillit Mbikëqyrës duke filluar nga kryetari Roshi Torozhina (LSI) dhe nënkryetari Arben Berberi (PLIDR) si dhe anëtarët e tjerë: Vangjo Gusho (LSI), Anxhela Andoni (PS), Rajmonda Elmasllari (PS), Ariana Mema (G99) dhe Leonaard Manellari (Aleanca Demokratike).

Ujësjellës Kanalizime Pogradec rezulton se në vitin 2015 ka rreth 130 milionë lekë humbje dhe pas auditimit të bërë nga Bashkia Pogradec dëmi llogaritej në 2 milionë euro.

Pushimet e bordit dhe drejtorit, apo udhëtime pune sic duan ti quajnë ata janë bërë nga një institucion i zhytur në skandale dhe abuzime. Institucion ku lekët e qytetarëve të Pogradecit bëhen rrush e kumbulla për pasionet e një bordi të korruptuar, i cili merr të tilla vendime skandaloze duke qenë se është në një konflikt të pastër interesi. Bordi i UK Pogradec miraton vendime për udhëtim për vete dhe për drejtorin duke përdorur për qejfin e tyre dhjetra apo qindra milionë lekë që qytetarët e Pogradecit ja kanë besuar këtij institucioni që ti menaxhojë dhe jo ti përdorë për të udhëtuar në Europë.

dosjen e plotë abuzive dhe korruptive të ujësjellësit Pogradec, do ta çojë zyrtarisht në prokurori duke qenë se kjo e fundit po hesht përballë një rasti abuziv dhe korruptiv.

Më poshtë, ndodhen vendimet dhe fotot e drejtorit Valter Gora gjatë udhëtimit në Çeki.