web counter
LEXO PA REKLAMA!

SHKARKO APP

App Store
Google Play

E fundit!

x

Gjykatësja e akuzuar shpëton “Kurum”-in

15 Prill 2016, 19:08, Aktualitet CNA

Kompania ?Kurum? është shpëtuar nga falimentimi. Gjykatësja, Teuta Hoxha, e cila është akuzuar më parë për falsifikim nga një avokat dhe aksionerët me 60% të Top Channel, mësohet të ketë dhënë vendimin për administrim të kontrolluar deri në riorganizim për kompaninë ?Kurum?.  Gjykatësja ka vendosur se administratorja publike Lindita Kikino, do të drejtojë kompaninë deri në riorganizimin total.  ?Autorizimin e debitorit, të administrojë dhe disponojë pasuritë e masës së falimentit nën kontrollin dhe mbikëqyrjen e administratores së parlamentit. Emërimi në statusin e mbikëqyrësit të Lindita Kikinos, ngarkohet debitori në hartimin e planit të riorganizimit?, thuhet në vendimin e gjykatës. Riorganizimi konsiston në  rinegocimin e huave me kreditorët.

Gjyqtarja e Gjykatës së Shkallës së Parë të Tiranës,Teuta Hoxha, është hetuar më parë nga Njësia Task Forcë në Prokurorinë e kryeqytetit. Teuta Hoxha mësohet të jetë marrë nën hetim në marsin e vitit 2013, pas një kallëzimi penal të bërë në organin e akuzës nga avokati Agron Bajri. Ajo dyshohej se kishte shpërdoruar detyrën në një proces gjyqësor për cështje pronash.Pas hetimeve të organit të akuzës,  kryeprokurori Adriatik Llalla i kërkoi KLD-së edhe heqjen e imunitetit, pasi në kohën kur mendohet se ka kryer veprën penale ishte e mbrojtur nga imuniteti.

Teuta Hoxha është gjithashtu gjykatësja e cila akuzuar nga pronarët me 60% të aksioneve të Top Channel,  Albert Sino dhe Aurel Baçi. Aksionerët kanë depozituar një kallëzim penal, duke e akuzuar për shpërdorim të detyrës dhe falsifikim të dokumentave, parashikuar nga nenet 148 dhe 186/3 të Kodit Penal.  Bëhet fjalë për një vendim të gjykatëses në fjalë, lidhur me përplasjen ligjore mes tyre dhe pronares së Top Channel, Vjollca Hoxha, me synim marrjen e kontrollit të televizionit më të fuqishëm në vend./citynews

 





Lajmet e fundit nga