web counter
LEXO PA REKLAMA!

SHKARKO APP

App Store
Google Play

E fundit!

x

Korrupsioni i deputetëve dhe gjyqtarëve/ GRECO: Shqipëria zbatoi vetëm 1 nga 10 rekomandimet

15 Prill 2016, 18:08, Aktualitet CNA

Njësia e anti-korrupsionit në Këshillin e Europës. GRECO, në një  raport për parandalimin e korrupsionit në radhët e deputetëve dhe gjyqtarëve, ka kritikuar autoritetet shqiptare lidhur me zbatimin e rekomandimeve. Sipas raportit, Shqipëria ka zbatuar vetëm një nga 10 rekomandimet e bëra në vitin 2014. 
?Autoritetet shqiptare kanë zbatuar vetëm 1 nga 10 rekomandimet e bëra nga vlerësimi raportit të 2014-s në lidhje me masat që duhet të ndërmerrn në parandalimin e korrupsionit tek deputetët dhe gjyqtarët. 9 rekomandimet e tjera janë zbatuar pjesërisht?, ky është konkluzioni këtij raporti. GRECO vlerëson hapat pozitiv të deritanishëm, por me urgjencë kërkon hartimin e një kodi sjelljeje për deputetët i cili do të rregullojë kontaktet e tyre me lobistët dhe në mënyrë të veccantë rast pas rasti kur ata kanë konflikt interesi.

Gjithashtu, Këshilli Europës kërkon shtimin e kontrolleve për asetet e deklaruara në deklaratat e pasurisë.
Raporti vëren se përsa u përket gjyqtarëve dhe prokurorëve, Shqipëria ka ndërmarrë disa reforma ku ka progres të dukshëm por mbetet larg adresimit të shqetësimeve të evidentuara nga GRECO. ?Jemi të zhgënjyer nga mospasja e një sistemi adekuat të vlerësimit të performancës, përfshirë integritetin e gjyqtarëve dhe prokurorëve. Mungojnë rregullat e etikës në mënyrë të veccantë për gjyqtarët?, thuhet në raport. GRECO i jep kohë autoriteteve shqiptare të përmbushin këto rekomandime deri më 30 shtator 2017.





Lajmet e fundit nga