web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e PD-së për prokurimet e ilaçeve/ Reagon qeveria

15 Prill 2016, 17:02, Aktualitet CNA

Qeveria ka reaguar pas akuzave të Partisë Demokratike lidhur me prokurimet e ilaçeve. Sipas PD-së në periudhën janar-mars kompania e tregtimit të produkteve farmaceutike ?Trimed? ka përfituar me negocim pa shpallje, pa garë sipas saj, 59 kontrata për furnizimin me barna spitalore me vlerë 410 milionë lekë. Në reagimin zyrtar të qeverisë në poralin Transparenca.al, thuhet se negocimi pa shpallje është një procedurë ku spitalet ftojnë operatorë të ndryshëm ekonomikë, në një proces të kontrollueshëm për cilindo operator ekonomik.

Reagimi i plotë i qeverisë

Procedura e prokurimit me negocim, pa shpallje paraprake të njoftimit të kontratës, është një procedurë tërësisht e ligjshme, e cila bazohet në nenin 33, të Ligjit nr. 9643, dt. 20/1/2006, ?Për prokurimin publik?, i ndryshuar, si dhe në nenin 36 të VKM-së Nr. 914, dt. 29/12/2014, ?Për miratimin e rregullave të prokurimit publik?.

Kjo procedurë zbatohet tashmë prej vitesh. Ndryshe çka pretendon Partia Demokratike, negocimi pa shpallje nuk është prokurim pa garë apo i drejtpërdrejtë , por është një procedurë ku spitalet ftojnë operatorë të ndryshëm ekonomikë, në një proces të kontrollueshëm për cilindo operator ekonomik.

Çdo vit, me çeljen e buxhetit në muajin Janar, spitalet autorizohen të bëjnë vetë procedura prokurimi për të plotësuar nevojat e ngutshme të muajve të parë të vitit, derisa të realizohet prokurimi i përqendruar në Ministrinë e Shëndetësisë për plotësimin e nevojave vjetore të spitaleve.

Edhe këtë vit, për plotësimin e nevojave të ngutshme të spitaleve, janë prokuruar me negocim pa shpallje për plotësimin e nevojave të spitaleve 436 barna, me një vlerë totale prej 764,318,605 lekësh.

Në këto procedura kompania ?Trimed?, është përzgjedhur fituese vetëm për 18 barna, me një vlerë totale prej 8,969,591 lekësh, ose 1.2% të vlerës totale.





Lajmet e fundit nga