web counter
LEXO PA REKLAMA!

SHKARKO APP

App Store
Google Play

Arrestohet një doganier në Kakavijë

3 Mars 2016, 08:28, Aktualitet CNA

Një doganier i Pikës Doganore të Kakavijës ka rënë në prangat e policisë pasi akuzohet për korrupsion pasiv.  Mësohet se Policia e Gjirokastrës ka arrestuar shtetasin Mehmet Shehu , 48 vjeç, banues në Memaliaj, me profesion doganier i parkimit në Degën Doganore Kakavijë. Bëhet me dije se shtetasi P.H , 52 vjeç, ka bërë kallëzim se në parkimin e doganës ky doganier i ka kërkuar dhe i ka marrë nëpërmjet presionit një shumë prej 100 Euro për të mos kryer procedurat doganore për 225 fidanë hardhi dhe 62 fidanë limon, portokall dhe mandarina , të cilat i kishte të ngarkuara në mjetin e tij. Doganieri pasi i ka marrë Eurot nuk i ka dhënë asnjë dokument doganor shtetasit P.H, por i ka thënë “që je në rregull të kam rregjistruar”.

Nga verifikimet e kryera nga ana e Policisë rezultoi që doganieri nuk kishte kryer asnjë veprim duke përvetësuar shumën e Eurove. (mallrat nuk plotësonin vlerën për t’ju nënështruar procedurave doganore). Në cilësinë e provës materiale iu gjetën dhe sekuestruan dy kartëmonedha të prerjes 50 Euro. Materialet i kaluan Prokurorisë së Rrethit Gjyqësor Gjirokastër për veprën penale ” Korrupsion pasiv i personave që ushtrojnë funksione publike” parashikuar nga neni 259 i Kodit Penal





Lajmet e fundit nga